Орнитология былыргы греческэй тылтан араас көтөрдөр туһунан наука диэн тылбаастанар. Көтөр кынаттаахтар тустарынан өссө XVI үйэҕэ интэриэһиргээбиттэр. Бастакынан көтөрдөрү учуонай-натуралист Уилисс Альдрованди үөрэппит. XIX үйэҕэ биология туспа наука быһыытынан буолбутугар, орнитология сайдыбыт. 1983 сыллаахха ССРС Наукатын академиятыгар бастакы орнитологическай уопсастыба тэриллибит. 1983 сыл олунньу 19 күнүгэр сийиэскэ Орнитологическай уопсастыбаннай тэрилтэтин, ону сэргэ Орнитолог күнүн олохтообуттар.
СӨ Экологияҕа министиэристибэтэ СӨ Наукаҕа академиятын кытта кулун тутар 26 күнүттэн муус устар 1 күнүгэр диэри өрөспүүбүлүкэтээҕи орнитологтар күннэрин тэрийэн ыытар. Бу тэрээһин чэрчитинэн, «Саха сирин көтөрдөрө» хаартысканан куонкурус, оскуола үөрэнээччилэрин научнай-кэмпириэнсийэлэрэ ыытыллыахтара.
-
0
-
0
-
0
-
0
-
0
-
0
