Издательский дом Редакция Подписка
Погода в Якутске: . -32 oC

СѲ Ийэ сылын түмүктэрэ таhаарылыннылар уонна «Сыл дьиэ кэргэнэ-2022» ѳрѳспүүбүлүкэтээҕи куонкурус кыайыылаахтара наҕараадаланнылар диэн Ил Түмэн пресс-сулууспата уонна СИА суруйаллар.

СѲ Ийэ сылын түмүктэрэ таhаарылыннылар уонна «Сыл дьиэ кэргэнэ-2022» ѳрѳспүүбүлүкэтээҕи куонкурус кыайыылаахтара наҕараадаланнылар диэн Ил Түмэн пресс-сулууспата уонна СИА суруйаллар.

Ѳрѳгѳйдѳѳх тэрээhин ахсынньы 15 күнүгэр Ю.А. Гагарин аат. Култуура уонна аныгы искусство Киинигэр буолла.

Тэрээhиңңэ СѲ Бырабыыталыстыбатын Бэрэссэдээтэлин солбуйааччыта Сергей Местников, СѲ үлэҕэ уонна социальнай сайдыыга миниистирэ Елена Волкова, Ил Түмэн дьиэ кэргэн уонна оҕо саас дьыалаларыгар сис кэмитиэтин бэрэссэдээтэлэ Алёна Атласова  кытыннылар.

Ийэ сылын чэрчитинэн Саха Ѳрѳспүүбүлүкэтигэр ийэ буолууну ѳйѳѳhүңңэ элбэх үлэ ыытылынна. Ил Дархан Айсен Николаев кѳҕүлээhининэн дьиэ кэргэни, ийэ буолууну уонна оҕо сааhы кѳмүскээhиңңэ туhуламмыт эбии кэккэ миэрэлэр ылылыннылар. Быйыл, САССР тэриллибитэ 100 сылыгар тѳрѳѳбүт хас биирдии оҕоҕо 100 тыh. солк. туттарылынна. Оҕо иитэ ылар дьиэ кэргэннэргэ ыйдатааҕы харчынан тѳлѳбүр икки тѳгүл улаатта. Уопсайынан, кэнники 10 сылга дьиэ кэргэни ѳйѳѳhүн хайысхатыгар үбүлээhин 12 тѳгүл улааппыт уонна 23 млрд. солк. буолбут.

«Дьиэ кэргэн-2022» Бүтүн Арассыыйатаҕы куонкурус «Дьиэ кэргэн — үгэстэри харайааччы» ноинацияҕа кыайыылаахтарынан Чурапчы улууhуттан Светлана уонна Василий Дьячковскайдар дьиэ кэргэннэрэ ааттанна. Кинилэр 2022 сыллааҕы Арассыыйа Бочуотун кинигэтигэр киллэрилиннилэр.

Тэрээhин кэмигэр «Герой Ийэ» уонна «Ийэ Албан аата» бэлиэлэринэн элбэх оҕолоох ийэлэр наҕараадаланнылар. Ону кытта араас номинацияларга кыайыылаахтар — «Эдэр дьиэ кэргэн», «Элбэх оҕолоох дьиэ кэргэн», «Оҕо иитэ ылбыт дьиэ кэргэн», «Тыа сирин дьиэ кэргэнэ», «Кѳс дьиэ кэргэн», «Дьиэ кэргэн — үгэстэри харайааччы», «Кыhыл кѳмүс дьиэ кэргэн»—  бириэмийэлэри туттулар.

СИА фотота.

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением