Ол эбэтэр тарыыптары уларытыах иннинэ чопчу территорияҕа нэhилиэнньэ тѳлүүр кыаҕын учуоттаан анаалыс оңоhуллуохтаах диир хамыыhыйа салайааччыта Ирина Булгакова.
Билигин тарыыптары индексациялааhыңңа инфляция эрэ учуоттанар. Тарыыптар кыайан тѳлѳнѳллѳрүн-суоҕун сыаналааhына наадалаах: квитанциянан нэhилиэнньэ улахан аңаара тѳлүүрүн курдук, онтон атыттар аадырыстаах субсидияны ылар кыахтаналларыгар. Оччоҕо эрэгийиэн олохтоохторо бэйэлэригэр хоромньута суох счеттарынан тѳлѳhѳллѳрүгэр усулуобуйа оңоhуллуохтаах, итиэннэ ОДЬКХ ѳңѳлѳрүн тѳлѳспүттэрин кэннэ тѳhѳ киhиэхэ сүрүн бородуукталарыгар харчы тиийбэт буолуон сѳбѳ биллиэхтээх
Федеральнай стандартынан Арассыыйа олохтоохторун ОДьКХ тѳлѳбүрүгэр бэйэлэрин ороскуоттарын ѳлүүтэ 22 бырыhыантан үрдүѳ суохтаах.
Элбэх оҕолоох дьиэ кэргэттэр коммунальнай ѳңѳлѳргѳ ороскуоттара РФ Президенин Ыйааҕар сѳп түбэhиннэрэн толуйуллаллар – маннык дьиэ кэргэттэр 30 бырыhыантан итэҕэhэ суох чэпчэтиинэн туhаналлар.
Ону таhынан, судаарыстыба федеральнай таhымңа тулаайах уонна тѳрѳппүт кѳрүүтэ-истиитэ суох хаалбыт оҕолору кинилэр үѳрэнэр кэмнэригэр уопсай дьиэҕэ олорор хосторун иhин тѳлѳбүртэн босхолообута.
- 1
- 0
- 0
- 0
- 0
- 0