Босуобуйаны аныырга дьиэ кэргэн биир киhиэхэ орто дохуотун кээмэйэ субъекка айах ииттэр минимум кээмэйин аhарыа суохтаах. Онуоха дохуоттарга хамнас эрэ буолбакка, биэнсийэ, истипиэндьийэ, социальнай босуобуйалар, бааңңа уурууттан уонна сүүйүүлэртэн дохуот, үбү-малы атыылааhынтан уонна туттарыыттан киирбит дохуот уо.д.а. киирэллэр. Оттон тѳрѳппүттэртэн биирдэстэрэ мобилизацияламмыт буоллаҕына, кини дохуоттара учуоттамматтар.
Кѳмѳҕѳ наадыйыыны сыаналааhыңңа комплекснай сыhыан туттуллар, ол эбэтэр харчынан дохуот эрэ буолбакка, дьиэ кэргэн бас билэр үбэ-мала эмиэ аахсыллар.
Дойдуга ортотунан хат дьахталларга биир уопсай босуобуйа кээмэйэ — 16 тыh. солк. диэри, оттон 17-гэр диэри саастаах оҕолоох кѳмѳҕѳ наадыйар дьиэ кэргэттэргэ — 7-ттэн 14 тыh. солк. диэри буолуоҕа.
Биир кэлим босуобуйаны ылааччыларга хас биирдии ый үhүс чыыhылатыгар тѳлүүр буолуохтара
Госуслугаҕа сайабылыанньаны биэрии ааспыт сыл ахсынньы 28 күнүттэн саҕаламмыта. Оттон МФЦ уонна Арассыыйа саңа Социальнай фондатын килийиэннэри кытта үлэҕэ сулууспаларыгар докумуоннары тохсунньу 9 күнүттэн тутуохтара.
- 1
- 0
- 0
- 0
- 0
- 0