Бу күннэргэ саха снайпера Чечня Өрөспүүбүлүкэтин Бэрэсидьиэнэ Рамзан Ахматович Кадыровтан хорсун быһыытын иһин үрдүк наҕарааданы уонна анал бинтиэпкэни тутта. Бу туһунан сонун бассаап ситимигэр тарҕанна. Кэмэнтээрийдэргэ кинини доҕотторо уонна Саха Сирин олохтоохторо эҕэрдэлииллэр.
Рамзан Ахматович Кадыров уордьана (Рамзан Кадыров аатынан «Ахмат-спецназ» уордьан) – иккис суолталаах (2022 сыл сэтинньи 31 күнүгэр диэри үрдүкү наҕараада) Чечня Өрөспүүбүлүкэтин судаарыстыбаннай үрдүкү наҕараадата. Уордьаны Чечня Өрөспүүбүлүкэтигэр уһулуччулаах өҥөлөрүн иһин туттараллар. Кадыров уордьанынан Чечня Өрөспүүбүлүкэтин судаарыстыбаннаһа сайдарыгар, үлэҕэ-хамнаска үрдүк ситиһиилэринэн, ил-эйэ бөҕөргөтүүгэ, норуоттар икки ардыларыгар доҕордоһууга уонна бииргэ үлэлээһиҥҥэ үтүө өҥөлөрүн иһин биллиилээх судаарыстыбаннай уонна уопсастыаннай диэйэтэллэр, биирдиилээн дьоннор уонна тэрилтэлэр наҕараадаланаллар.
Хаартыскатын кытта аудио устууга анал байыаннай дьайыыга кыттааччы санаатын үллэстэр:
- Хатас уолаттарыгар эҕэрдэ! Барыта үчүгэй, сулууспалыы сылдьабыт. Бинтиэпкэни Рамзан Ахматович Кадыров миэхэ туһаайан ыытта. Төннөрбөр илдьэ барыам. Бинтиэпкэ олус үчүгэй. Биир дойдулаахтарбар ил эйэни, үтүө сыһыаны, дьолу, доруобуйаны баҕарабын. Барыта этэҥҥэ, сулууспа барар».
-
5
-
2
-
1
-
0
-
1
-
0
