Ол курдук, Арассыыйаҕа биир бэлиэ даатанан устудьуоннар Күннэрэ буолар. Тохсунньу 25 күнүгэр бу күнү официальнайдык бэлиэтиир туhунан РФ Бэрэсидьиэнин ыйааҕа 2007 сыл алтынньы ыйыгар ылыллыбыта.
Чуолаан Татыйыына күнүгэр, кини саңа истиилинэн тохсунньу 25 күнүгэр бэлиэтэнэр, 1755 сыллаахха императрица Елизавета Петровна «Москва университетын олохтуур туhунан» ыйаахха илии баттаабыт. Онон Татыйыына күнэ университет официальнай күнүнэн буолбут. Оччотооҕуга кини Москва университетын тѳрүттэммит күнэ дэниллэр эбит. Итиэннэ ол кэмтэн ыла Сибэтиэй Татиана устудьуоннар араңаччылааччыларынан буолар.
Оттон 100 сыл буолан баран, Николай I бэйэтин ыйааҕынан университет аhыллыбыт Күнүн буолбакка, кинини олохтуур туhунан аактаҕа илии баттааhын чахчытын бырааhынньыктыырга эппит. Ол курдук монарх дьаhалынан устудьуоннар бырааhынньыктара баар буолбут.
Арассыыйа бары үѳрэх кыhаларыгар Татыйыына күнүн үѳрүүлээхтик бэлиэтиэхтэрэ.
Бүгүн РФ Бэрэсидьиэнэ Устудьуон күнүн чиэстээн, М.В. Ломоносов аатынан МГУга сылдьыаҕа. Ол туhунан Кремль Телеграм-ханаалыгар суруллар.
Владимир Путин устудьуоннары кѳрсѳн кэпсэтиэҕэ уонна университет саңа үѳрэтэр-практическай куорпуhугар сылдьыаҕа, Воробьев хайаларыгар баар «Ломоносов» научнай кластеры сайыннарыыга былааннары кытта билсиэҕэ.
-
0
-
0
-
0
-
0
-
0
-
0
