«Якутия» авиахампаанньа 20 сыллаах үбүлүөйүн үпкэ-харчыга барыстаахтык көрүстэ
Издательский дом Редакция Подписка
Погода в Якутске: . -48 oC

Арассыыйа 20 бастыҥ авиахампаанньаларын ахсааннарыгар киирэр «Якутия» авиахампаанньа тохсунньу 21 күнүгэр Былатыан Ойуунускай аатынан Саха академическай тыйаатырыгар 20 сыллаах үбүлүөйүн бэлиэтээтэ. Күн бүгүн олохтоох авиахампаанньа өрөспүүбүлүкэ улуустарыгар, дойду киин куораттарыгар, Уһук Илин, итиэннэ тас дойдуга тиһигин быспакка көтөр. 

Арассыыйа 20 бастыҥ авиахампаанньаларын ахсааннарыгар киирэр «Якутия» авиахампаанньа тохсунньу 21 күнүгэр Былатыан Ойуунускай аатынан Саха академическай тыйаатырыгар 20 сыллаах үбүлүөйүн бэлиэтээтэ. Күн бүгүн олохтоох авиахампаанньа өрөспүүбүлүкэ улуустарыгар, дойду киин куораттарыгар, Уһук Илин, итиэннэ тас дойдуга тиһигин быспакка көтөр. 

Сахабыт сирин гражданскай авиациятын флагманын уруйдуур-айхаллыыр үөрүүлээх күн олохторун авиацияҕа анаабыт бэтэрээннэри, билигин үлэлии сылдьар кэлэктииби Ил Түмэн бэрэссэдээтэлэ Алексей Еремеев дьокутааттар ааттарыттан эҕэрдэлээтэ.

72adf530 4b8c 4174 949c d7699362492b

Кини өрөспүүбүлүкэ ол кэминээҕи Бэрэсидьиэнэ Вячеслав Штыров сөптөөх быһаарыныы ылынан, «СахаАвиа» уонна «Якутские авиалинии» холбоон, «Якутия» авиахампаанньа 2002 с. төрүттэммитин бэлиэтээтэ.

«Сүүрбэччэ сыл тухары Сахабыт Сирин дьоно олохтоох авиахампаанньаны таларга дьулуһаллар. Дьокутааттар эмиэ куруук өйүүллэр, өрөспүүбүлүкэ бүддьүөтүн ылынарга, көннөрүү киллэрэргэ сороҕор мөккүһүү тахсааччы, бырабыыталыстыба субсидия быһыытынан көмө оҥорооччу.

159f9e94 11f5 4d19 9dcb d0d5b479841b

Онтон 2023 с. бүддьүөтү ылынарга авиахампаанньаны өйүүргэ, субсидия биэрэргэ боппуруос турбатаҕа. Тэрилтэ 2022 с. барыстаахтык түмүктээтэ, онон көмөҕө наадыйбата. Авиахампаанньа сөмөлүөттэрэ хойутуулларын туһунан үҥсүү-хаңсыы нэһилиэнньэттэн киирбэт буолла. Бу эмиэ үчүгэй көрдөрүү.

Үүммүт саҥа сыл авиация салаатыгар ситиһиини аҕаллын, сөмөлүөттэр пааркалара аныгы саҥа тиэхиньикэнэн саҥардыллан истин, авиахампаанньа албан аата кэнэҕэс көлүөнэҕэ ааттана турдун, өрөгөйдөөх дьоһун үбүлүөйдэр салҕанан истиннэр!» — диэн эттэ Алексей Еремеев.

Кини дойду киин сириттэн тэйиччи, бириэмэ атын кэрчигэр сытар Сахабыт Сирэ бэйэтэ авиахампаанньалаах буолуохтааҕын, кинини өрө тутуохтаахпытын, өйүөхтээхпитин санатта.

Парламент спикерин кытта үбүлүөйдээх тэрээһиҥҥэ кыттыыны ыллылар Ил Түмэн Бэрэссэдээтэлин солбуйааччы Виктор Губарев, Ил Түмэн урбааҥҥа, туризмҥа уонна инфраструктураны сайыннарыыга бастайааннай кэмитиэтин бэрэссэдээтэлэ Игорь Григорьев. 

Ил Түмэн бэрэссэдээтэлэ Алексей Еремеев «Якутия» авиахампаанньа генеральнай дириэктэригэр Андрей Винокуровка эҕэрдэ сурук уонна өйдөбүнньүк бэлэх туттарда (сүрүн хаартыскаҕа).   

8293090f f8be 4d8a 9c2a 0113bae809d6

Өрөспүүбүлүкэ социальнай-экэнэмиичэскэй сайдыытыгар кылаатын иһин Ил Түмэн Бочуоттаах грамотатын Алексей Еремеев «Якутия» авиахампаанньа бортпроводнигар Юрий Бровиҥҥа туттарда. Өрөспүүбүлүкэ социальнай- экэнэмиичэскэй олоҕор ситиһиилээх үлэтин иһин Ил Түмэн Бэрэссэдээтэлин Махтал суругун «Якутия» авиахампаанньа инженерэ Алексей Герасимов уонна медико-санитарнай чаас начаалынньыгын солбуйааччы Андрей Иванов ыллылар.  

20 сыл иһигэр олохтоох авиахампаанньа 14 мөл. кэриҥэ пассажиры тиэйдэ, Арассыыйа араас куораттарыгар, тас дойдуларга Сахабыт Сирин албан аатын ааттатта.

90f363cb e133 411a b789 b067de1865c2

Үбүлүөйдээх дьоро киэһэҕэ олохтоох авиация бастыҥ үлэһиттэригэр үрдүк наҕараадалары туттардылар. Тэрилтэ бастакы генеральнай дириэктэригэр Иван Проститка, «ЯК» диэн авиахампаанньа бастакы рейсин толорбут салгын суудунатын хамандыырыгар Владимир Компаниецка уонна идэлэригэр бэриниилээх авиатордарга «Якутия» авиахампаанньа Бочуоттаах үлэһитэ» диэн дьоһун ааты иҥэрдилэр. 

c9c0775f ebd1 4ea8 b1bb 293293c55328

Биир идэлээхтэрин Внуково, Дьокуускай, Байкал аэропорт, «АЛРОСА», «Полярные авиалинии» авиахампаанньа, Уһук Илиҥҥи Сибиир аэронавигациятын, ФКП «Хоту дойду аэропортара» тэрилтэ салалтата, о.д.а.  эҕэрдэлээтилэр.   

98174469 372b 4b6e 8bd3 65ebeea5fc3f

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением

Другие новости

Сэргээ

Моника

Университекка экэниэмикэҕэ лиэксийэ ааҕарын таһынан, Сандал Николаевич бастакы…
28.01.23 17:54