Ол курдук, Алексей Ильич этиитин саҕаланыытыгар федеральнай бүддьүөт сүрүн докумуона тэҥнэнэн, судаарыстыбаннай бэлиитикэ бары хайысхалара структураларынан аттарыллан туруоруллубутун ыйда. Салгыы, эрэгийиэн иһинээҕи авиатаһыыларга субсидиялааһыны көрөргө: «2025 сылга эрэгийиэннэр икки ардыларыгар авиа таһыыга субсидия көрүллүбүтэ үчүгэй, ол гынан баран, биһиги киэҥ сирдээх-уоттаах өрөспүүбүлүкэҕэ айан ыараханын учуоттаан, эрэгийиэн иһигэр авиа таһыыга федеральнай бүддьүөттэн эбии субсидиялааһыны көрөр наада. Саха Сирэ эрэгийиэн быһыытынан бу хайысхаҕа эбии үбүлүүрүн учуоттаан туран, федеральнай бүддьүөттэн эбии 3, 7 млрд. солк. субсидияны көрөргө этии киллэрэбит », -диэн туруоруста.
Алексей Еремеев бу боппуруоһунан Федерация Сэбиэтин Бүддьүөккэ, үп-харчы ырыынагар кэмитиэтин бэрэссэдээтэлэ Анатолий Артамоновы, Федерация Сэбиэтин бэрэссэдээтэлин солбуйааччы Николай Журавлевы кытта көрсөн, майгынныыр кыһалҕа Хабаровскайга, Магадааҥҥа, Красноярскайга, Чукуоткаҕа уонна Забайкальеҕа баарын чорботон бэлиэтээтэ.
Хаартыска Федерация Сэбиэтин саайтыттан
-
0
-
0
-
0
-
0
-
0
-
0
