Издательский дом Редакция Подписка
Погода в Якутске: . -14 oC

Бүгүн, олунньу 10 күнүгэр, Дьокуускай куоракка Суорун Омоллоон аатынан опера уонна балет судаарыстыбаннай тыйаатырыгар биллиилээх учуонай, академик, тиэхиниичэскэй наука дуоктара Владимир Петрович Ларионов төрөөбүтэ 85 сылыгар уонна физико-тиэхиниичэскэй лиссиэй төрүттэммитэ 30 сылыгар аналлаах үөрүүлээх тэрээһин ыытылынна.

Бүгүн, олунньу 10 күнүгэр, Дьокуускай куоракка Суорун Омоллоон аатынан опера уонна балет судаарыстыбаннай тыйаатырыгар биллиилээх учуонай, академик, тиэхиниичэскэй наука дуоктара Владимир Петрович Ларионов төрөөбүтэ 85 сылыгар уонна физико-тиэхиниичэскэй лиссиэй төрүттэммитэ 30 сылыгар аналлаах үөрүүлээх тэрээһин ыытылынна.

Ил Түмэн Дьиэ кэргэн уонна оҕо аймах дьыалаларыгар сис кэмитиэтин бэрэссэдээтэлэ Алена Атласова учууталлары, бэтэрээннэри, төрөппүттэри, үөрэнээччилэри эҕэрдэлээтэ, лиссиэй өрүү сайда, чэчирии турарын, саҥа суоллары тобуларын ыйда.

b747ac49 4c44 4729 80e3 c777d97ec25b

Манна үлэлиир учууталлар өҥөлөрүнэн оҕолоро бэртээхэй билиини ылаллар. Лиссиэйгэ туттарсан киирэр, ситиһиилээхтик үөрэнэр улахан сыраттан турара биллэр. Эһиэхэ мин “лицеист” диэн үрдүк ааты олоххут тухары киэн тутта илдьэ сылдьаргытыгар, учууталларгытыгар махтанаргытыгар баҕарабын”, - диэн эттэ.

cb2b6a3e d9c5 45b8 a0b6 069d9204e765

Алена Николаевна эҕэрдэ тылыгар үөрэнээччилэр үөрэхтэригэр эрэ ситиһиилэринэн буолбакка, киһи быһыытынан хаачыстыбаларын ыйда. Ол курдук “Праздник жизни” аһымал пуонда тэрийээччитэ буоларын быһыытынан, кинилэри кытары ыкса сибээстээх үтүө үгэс саҕаламмытын кэпсээтэ. “Биһиги пуондабыт 10-тан тахса сыл физико-тиэхиниичэскэй лиссиэйи кытары ыкса үлэлэһэр, доҕордоһор. Ыраах 2009 сыллаахха “Полярная звезда” гостиницаҕа кыра офис куортамнаан олорбут кэммитигэр кырачаан лиссиэй үөрэнээччилэрэ кэлэн тоҥсуйбуттара. Кинилэр кэнсиэр туруоран, искэн ыарыылаах оҕоҕо көмө оҥоруохпут этэ диэн этиилээх киирбиттэрэ. Ол кэмтэн бу аһымал акция үтүө үгэс буола тэнийдэ. Махталбын Александра Петровна Коркинаҕа тириэрдэбин. Кини амарах сүрэҕин сылааһынан оҕолору үтүө дьыаланы тэрийэргэ, туруоруммут сыалы тиһэҕэр тиэрдэргэ, ыччаты волонтер буоларга үөрэтэр.  Түгэнинэн туһанан, билигин ыарыыны кытары охсуһа сылдьар оҕолор, кинилэр төрөппүттэрин ааттарыттан махталбын тиэрдэбин”, - диэн туран, олус дириҥ суолталаах оҕолор уруһуйдаабыт хартыыналарын бэлэх туттарда.

Педагог уонна уһуйааччы сылыгар сөп түбэспит бэртээхэй үбүлүөйгэ элбэх эҕэрдэ тыл, алгыс мааныта этилиннэ. Үөрэнээччилэр талааннарынан мустубуттары соһуттулар. Бу туһунан сиһилии “Ил Түмэн” хаһыат аныгыскы нүөмэригэр билсээриң.   

  • 2
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением