Киэҥ куйаар улаҕатыттан абыраллаах таммахтар улам-улам улаатан, ситиһэн, силбэһэн, сиэттиһэн, хойуннар хойдон самыыр буолан саккыраатылар, ардах буолар түстүлэр. Мааны далбардар, аарыма хатыҥнар, иллээх-эйэлээх иирэ талахтар, дьоһун дьон мустубутун санатар уһун дьулурҕа бэстэр, толуу дьон түмсүбүтүн санатар тииттэр, туох буолбутуй, хаһан, ханна этэй диэччи илибир-силибир тэтиҥнэр бэлэх буолан бэриллибит сөрүүн салгыны иҥэриннилэр, лабааларын анныгар хаһааннылар, киистэлэрин икки ардыгар кистээтилэр, сэбирдэхтэрин быыһыгар симтилэр.
Хонууларга хотоҕостуу субуллар ынах сүөһү ыксаабакка-тиэтэйбэккэ астына-дуоһуйа мэччийдилэр, күлүмэн суоҕуттан үөрдүлэр, бырдах суоҕун сөхтүлэр. Тыынар тыыннаах барыта өрө тыынна, махтана санаата.
Хаартыска: ук24.ru
-
0
-
0
-
0
-
0
-
0
-
0
