Тэрээһиңңэ кэлбит ыалдьыттар худуоһунньук галереятыгар туруоруллубут мольбертарга пленэрнэй уруһуйга бэйэлэрин холонон көрдүлэр.
Салгыы тэрээһин сүрүн чааһыгар улуус баһылыга Никита Андреев, улуустааҕы сэбиэт бэрэссэдээтэлэ Алквиад Тарасов, Афанасий Николаевич уола, худуоһунньук Борис Осипов, СӨ Духуобунаһын академиятын бэрэсидьиэнэ Андрей Борисов, АГИКИ бэрэпиэссэрэ Мария Рахлеева, Станислав Захаров, Бээрийэттэн Екатерина Турантаева, видео нөҥүө худуоһунньук кыыһа Анна Осипова, биир дойдулааҕа, тастыҥ быраата Софрон Осипов эҕэрдэ тыллары эттилэр, худуоһунньугу кытта алтыспыт түгэннэрин ахтан-санаан аастылар.
Тэрээһин иккис чааһа Афанасий Осипов кэргэнэ Татьяна Осипова, оҕолоро худуоһунньук төрөөбүт улууһугар бэлэхтээбит 100 хартыыналарын каталогын сүрэхтэниитигэр ананна. Ыҥырыылаах ыалдьыттарынан саха норуодунай поэта Наталья Харлампьева, саха норуодунай суруйааччыта Николай Лугинов, Саха сирин худуоһунньуктарын сойууһун бэрэссэдээтэлэ Ольга Скорикова буоллулар. Улууска бэлэхтэммит 100 хартыына худуоһунньук Мытаахтааҕы галереятыгар уонна нэһилиэк оскуолаларынан тыырыллан бэлэхтэннэ.
Үөрүүлээх тэрээһини Мытаах нэһилиэгин "Далбар Хотун", "Мохсоҕоллор", "Мичийэ" айар түмсүүлэрэ ырыа ыллаан, хоһоон ааҕан, үҥкүүлээн киэргэттилэр.
-
5
-
0
-
0
-
0
-
0
-
0
