Издательский дом Редакция Подписка
Погода в Якутске: . -5 oC

Ил Түмэн тыа сиригэр уонна аграрнай бэлиитикэҕэ сис кэмитиэтин, тус бэйэм ааппыттан сылгыһыт үлэтин олоххут аргыһа оҥостубут тыа хаһаайыстыбатын бэтэрээннэрин, билигин үлэлии-хамныы сылдьар сылгыһыттары бэлиэ күҥҥүтүнэн итиитик-истиҥник эҕэрдэлиибин!

Ил Түмэн тыа сиригэр уонна аграрнай бэлиитикэҕэ сис кэмитиэтин, тус бэйэм ааппыттан сылгыһыт үлэтин олоххут аргыһа оҥостубут тыа хаһаайыстыбатын бэтэрээннэрин, билигин үлэлии-хамныы сылдьар сылгыһыттары бэлиэ күҥҥүтүнэн итиитик-истиҥник эҕэрдэлиибин!

Дьөһөгөй Айыы оҕото, түөрт түөрэм туйахтаах, сыспай сиэллээх сылгыбыт барахсан саханы саха дэттэҕэ. Сылгыһыт диэн саха норуотугар түҥ былыргыттан илдьэ кэлбит ууһу, отоһуту кытта тэҥҥэ тутуллар идэбит. Дьөһөгөй куттаах эрэ киһи сылгыга сыстаҕас, сылгыһыт буолар. Сылгы -- саха норуотун символа, киэҥ-нэлэмэн иэннээх, тыйыс айылҕалаах дойдуну баһылаан-көһүлээн олоруу, тулуурдаах буолуу холобура. Уйгу-быйаҥ Ыһыахпытын Дьөһөгөй Айыыттан көрдөһөөрү ыһабыт, алгыспытын аныыбыт.
Тыа хаһаайыстыбатыгар киэн туттар дьоннорбут -- 23 Социалистическай Үлэ Дьоруойдара, олортон алта бастакы дьоруойдарбыт сылгыһыттар буолаллара да элбэҕи этэр!
Эһиги уустук, сындааһыннаах үлэҕит олус суолталааҕын хас биирдии нэһилиэк олохтооҕо өйдүүр. Төрүт үгэстэрбит сылгы иитиитин кытта ыкса ситимнээхтэрин таһынан, иҥэмтэлээх бэйэбит эппит, илгэлээх кымыспыт сылгыбытыгар эрэ баар.
Ил Түмэн сылгы, сир туһунан сокуоннарга кэккэ уларытыылары киллэрдэ: сылгы хаһан аһыыр, мэччийэр төрүт ыырын туһунан, үгэстэри тутуһан сылгыны буойуната суох өлөрөр туһунан. Итини таһынан биэҕэ көрүллэр үп 3 тыһыынчаттан 5 тыһ. солк. диэри улаатта, итиннэ өрөспүүбүлүкэ бүддьүөтүттэн 331 мөл. солк. барыаҕа. Сылгы базаларын тутууга, племенной үлэҕэ, эти тутууга, о.д.а. кэскиллээх хайысхаларбытыгар үбүлээһин, өйөбүл оҥоһуллар.
Бу күннэргэ улуус улуус аайы «Сылгыһыт күрэхтэрэ», кэскиллээх кэпсэтии түһүлгэлэрэ тэрилиннилэр, түмүк дьаһал бүгүн, кулун тутар 21 күнүгэр, Сылгыһыт Күнүгэр Амма улууһугар ыытыллыаҕа.
Сылгыны үөрдээн иитиигэ эппиккит-туруорсубуккут олоххо киирэ турдун, онтон сылгыһыт күрэҕэр ким ордук бэлэмнээх, дьулуурдаах хамаанда -- ол кыайдын! Тус олоххутугар, үлэҕитигэр этэҥҥэ буолууну!
Истиҥ эҕэрдэни кытта, Андрей Находкин.

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением