Бу күн оскуолаҕа өр сылларга үлэлээбит ветеран учууталлар - история учуутала Владимир Иннокентьевич Колесов, алын кылаас учуутала Людмила Пантелеймоновна Кривошапкина, музей үлэһитэ Людмила Афанасьевна Андросова, технология учуутала Клара Петровна Бурцева, физкультура учуутала Лидия Петровна Лугинова күндү ыалдьыт буоллулар.
Тэрээһиҥҥэ Саха Өрөспүүбүлүкэтин Ил Түмэнин бэрэссэдээтэлин бастакы солбуйааччыта Александр Жирков, Ил Тумэн депутата Геннадий Васильев, Уус Алдан улууһун баһылыга Алексей Васильевич Федотов, үөрэх управлениетын начальнига Гаврил Тимофеев, ыҥырыылаах ыалдьыттар, оскуола төрөппүттэрэ кыттыыны ылан ветеран учууталлары, оскуола коллективын уонна оскуолаҕа өр сылларга директорынан таһаарыылаахтык үлэлээбит, элбэх салайааччыны иитэн таһаарбыт педагог-наставник Михаил Семенович Бурнашевы үбүлүөйдээх күнүнэн эҕэрдэ тылларын эттилэр. Михаил Семеновичка Саха Өрөспүүбүлүкэтин Бочуоттаах ветерана, Уус Алдан улууһун, Мүрү, Курбуһах нэһилиэктэрин Бочуоттаах олохтооҕо ааттара иҥэрилиннэ.
Маны таһынан, оҕону үөрэтиигэ - иитиигэ таһаарыылаах үлэлэрин иһин үрдүк наҕараадалары Неустроева Роза Егоровна, Андросова Людмила Афанасьевна, Карамзина Анастасия Васильевна, Сивцева Мария Юрьевна, Колодезникова Айталина Гаврильевна, Васильева Нюрбина Егоровна, Бурнашева Галина Степановна, Артемьева Мария Андреевна, Егоров Александр Ефимович, Готовцева Лилия Олеговна туттулар.
Педагог наставник сылын арыллыытын оскуола төрөппүттэрэ, «Күнчээнэ» уһуйаан үлэһиттэрин үҥкүүтүн бөлөҕө, оскуола учууталларын «Айыллаана» ырыа ансаамбыла, оскуола үөрэнээччилэрэ, быйылгы выпускниктар киэргэттилэр.
-
2
-
0
-
0
-
0
-
0
-
0
