Уураах быраабы араҥаччылыыр уорганнар үлэлэригэр күчүмэҕэйдэри үөскэтиэн сөптөөҕүнэн уонна пилота суох көтүтэр аппаараты (квадрокоптердары) көҥүлэ суох туһанары тохтотор сыалтан ылылынна. Санаттахха, көҥүлэ суох аппаараты көтүтээччи административнай эппиэтинэскэ уонна холуобунай дьыалаҕа тардыллар. Ону таһынан, маассабай тэрээһиннэр кэмигэр көтүппүт аппаараты быраабы араҥаччылыыр уорганнар быһаарыыта суох былдьыыр бырааптаннылар.
Ол курдук, маннык дьыалаҕа буруйданааччы РФ Административнай Кодексатынан 20-тэн 50 тыһ. солк. диэри ыстаараптанар. Оттон тустаах быраабыланы дуоһунастаах сирэйдэр кэспиттэрэ быһаарылыннаҕына – 100-тэн 150 тыһ. солк. диэрри, юридическай сирэйдэргэ - 250-тэн 300 тыһ. солк. диэри эбэтэр 90 сууккаҕа диэри тэрилтэ үлэтин тохтотоллор.
Оттон эбии, буруйданааччы аппаараты көҥүлэ суох көтүппүтэ быһаарылыннаҕына, эбии 30 тыһ. солк. - 50 тыһ. солк. диэри ыстарааптанар, дуоһунастаах сирэйдэр – 50- тан 100 тыһ. солк. диэри, юридическай сирэйдэр — 300 тыһ. 500 тыһ. солк. диэри эбэтэр тэрилтэ үлэлиир болдьоҕо эбии 90 сууккаҕа диэри тохтотуллар.
-
0
-
0
-
0
-
0
-
0
-
0
