Издательский дом Редакция Подписка
Погода в Якутске: . 20 oC

Өрөспүбүлүкэҕэ бурдук ыһыытын сиэмэтинэн толору хааччыммыт икки улуус баар. Саамай улахан былааннаах Амма улууһа бурдугу 3551 гектар, сүөһү сиир култууратын 3 505 гектар бааһынаҕа ыста. Манна ыһыы сиэмэтин үүннэриигэ идэтийэр «Амматааҕы» кэпэрэтиип хааччыйар буолан, аммалар сиэмэни өрөспүүбүлүкэ таһыттан төрүт атыыласпаттар.

Өрөспүбүлүкэҕэ бурдук ыһыытын сиэмэтинэн толору хааччыммыт икки улуус баар. Саамай улахан былааннаах Амма улууһа бурдугу 3551 гектар, сүөһү сиир култууратын 3 505 гектар бааһынаҕа ыста. Манна ыһыы сиэмэтин үүннэриигэ идэтийэр «Амматааҕы» кэпэрэтиип хааччыйар буолан, аммалар сиэмэни өрөспүүбүлүкэ таһыттан төрүт атыыласпаттар.

Оттон Уус Алдан улууһа бурдук сиэмэтинэн 100 %, сүөһү аһылыгын култууратын сиэмэтинэн 80 % хааччынар. Бу – анал сиэмэ хаһаайыстыбатын быһыытынан үлэлиир «Биэттэ-Агро» хааччахтаммыт эппиэтинэстээх тэрилтэ (салайааччы Василий Сивцев) уонна Дмитрий Илларионов баһылыктаах бааһынай хаһаайыстыбатын сыралаах үлэлэрин түмүгэ буолар.

Белоб_и_Илларионов.jpeg

-- Бурдугу 1 313 гектарга, сүөһү сиир култууратын 1 497 гектарга ыһаммыт, былааммытын толордубут, – диэн үөрэ-көтө кэпсиир улуус сүрүн агронома Прокопий Белолюбскай. – Халлааммыт дьэ туран биэрдэ, аны ыһыахха диэри ардаатар абырыа этэ. Быйыл сайын кураан буолар чинчилээх, түспэтэҕинэ, ханна былыт тахсарынан көрөн, ардаҕы искусственнайдык түһэртэрэргэ үлэлиэхпит.Улуус хаһаайыстыбалара базаны хаҥатыыга күүскэ үлэлииллэр. Ол курдук, «Росагролизинг» чэрчитинэн быйыл саҥа тиэхиньикэни үс хаһаайыстыба ылбыт: «Биэттэ-Агро» бурдугу быһар «Вектор» хамбаайыны, Дмитрий Илларионов бааһынай хаһаайыстыбата «МТЗ» тыраахтары, оҕуруот аһыгар идэтийэр Владислав Мордовской бааһынай хаһаайыстыбата «ВС» мааркалаах хортуоппуй хомуйар хамбаайыны атыыласпыттар. Өрөспүүбүлүкэттэн утары үбүлэнэр «Сиртэн үүнээйини ылыы» муниципальнай бырагырааманан «Биэттэ-агро» уонна Владимир Бурнашев бааһынай хаһаайыстыбата «МТЗ» тыраахтары, Дмитрий Илларионов бааһынай хаһаайыстыбата сиэйэлкэни, «Мүрү-агро» кэпэрэтиип комбикуорум оҥорор дьоҕус сыах тэрилин атыылаһан эрэллэр. Ону таһынан, Тыа хаһаайыстыбатын министиэристибэтин үбүлээһининэн, Биэттэҕэ уонна Дүпсүҥҥэ 500-түү туонна бурдугу харайар ыскылааттар тутуллаллара быһаарылынна.

Биэттэ_Агро_2.jpeg

«Мүрү-агро» кэпэрэтиип бурдугу, хортуоппуйу уонна оҕуруот аһын соҕотуопкалыырга анаан, былырыын тэриллибитэ. Комбикуоруму оҥорор сыах тэрилэ кэллэҕинэ, уус алданнар бурдуктарын бэйэлэрэ мэлийэр буолуохтара.

  • 2
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением