Кини этэринэн, от ыйын бастакы дэкээдэтин бүтүүтэ халлаан мунньаҕа буолан ааста. Ол курдук, үрдүкү айыылар, иччилэр, өбүгэлэр мунньахтаан хайдах сайын буоларын чопчулаан биэрдилэр.
- Улахан ардахпыт баар. Ол эрээри, ардаҕы айыыларбыт от ыйын иккис дэкээдэтиттэн үһүс дэкээдэҕэ көһөрдүлэр. Оччотугар, от ыйын 23 күнүгэр диэри уһун ардахпыт кэлиэҕэ. 30 хонук устата ардах түһүөхтээҕин, 10 хонук кылгатан, 20 хонук устата ардахтыа. Ол аата өбүгэлэр көмөлөһөннөр, оттуурга икки нэдиэлэ курдук бириэмэ биэрдилэр.
От ыйын 22 күнүгэр диэри кураан күннэр туруохтара. Оттон үһүс дэкээдэҕэ ардах кэлиэ, улаханнык оттопото буолуо. Оккутун үрдүк сиргэ таһын, намыһах сирдэри уу ылыаҕа, ходуһалар күөл буолуохтара диэн өбүгэлэр сэрэтэллэр.
Атырдьах уонна балаҕан ыйдарыгар кураан буолуоҕа. Кыһыммыт эмиэ былырыыҥҥы курдук тымныы буолара күүтүллэр.
Биллэн турар, айылҕа иччилэрэ экология мөлтөөн, алдьанан дьоҥҥо-сэргэҕэ кыыһыраллар. Ол иһин, биһигини үөрэтэ-такайа сатыыллар. Ол эрээри, өбүгэлэр сүрдээх күүстээх көмүскэл оҥоһуннулар, 10 хонукка ардаҕы көһөрдүлэр. Ити барыта биһиэхэ улахан көмө буолар.
Санаттахха, 2021 с. Алексей Божедонов-Сырдык быстах кэмҥэ Интэриниэт арахсыаҕа, тас дойдулартан сааҥсыйалар киириэхтэрэ диэн сылыктаан дьоҥҥо-сэргэҕэ киэҥник биллэр буолбута.
-
4
-
0
-
0
-
0
-
0
-
4
