Быйыл кинилэргэ оскуола боруогун атыллаан киирбиттэрэ 50 сыла уонна оскуоланы бүтэрбиттэрэ 40 сыла туолан, эргиччи үбүлүѳйдээх сыл үүннэ. Холобур, Ньурба 1№-дээх оскуолатын 1983 сыллаахха 147 выпускник бүтэрбит эбит.
Күhүҥҥү кѳмүс дуйга сууламмыт хатыҥ чараҥнаах пааркаҕа Ньурба улууhун оскуолаларын выпускниктарын ахсааннарыттан биэс уонча киhи муhунна. «Үйэ-саас тухары бииргэ» диэн ааттаммыт кѳрсүhүү бырагырааматыгар параад, флеш-моб, «Кѳмүс кѳлүѳнэ» кэнсиэр, «Оҕо сааспыт күндү маллара» быыстапка, дискотека, оонньуулар уо.д.а. киирбиттэр. Бу күн халлаан арыллан, ырааhыран биэрдэ.
Тэрээhиҥҥэ сылдьыбыт дьон бары астынан-дуоhуйан тарҕастылар. «Дьоллоох оҕо сааспытын, оскуолатааҕы кэммитин ахтан, доҕотторбутун кѳрсѳн, олус үѳрдүбүт», - дииллэр.
Дьиҥэр, бу тэрээhин «Бүлүү бѳлѳх улуустарын оскуолаларын 1983 сыллаахха бүтэрбиттэр бастакы эрэгийиэннээҕи кѳрсүhүүлэрэ» диэн толкуйдаммыт да, ыаллыы улуустар кыайан кыттыбатылар.
Тэрийээччилэр маннык хабааннаах кѳрсүhүүлэри сыл аайы ыытар баҕалаахтар.
-
9
-
3
-
0
-
0
-
0
-
0
