«Саха Сирин аһа-үөлэ» тыа хаһаайыстыбатын кэпэрэтиибэ быыстапка-дьаарбаҥка бырагырааматын сонуннук уонна табыгастаахтык аттаран оҥорбут.
Бастатан туран, урукку өттүгэр икки эрэ күҥҥэ ананар тэрээһин уон күн устатыгар, күн ахсын сарсыарда 10 чаастан саҕалаан киэһэ 7 чааска диэри ыытыллар. Инньэ гынан, Хомсомуол болуоссатын толору туруоруллубут балаакка-павильоннарга араас улуустартан кэлбит тыа хаһаайыстыбатын табаарын оҥорооччулар бородууксуйаларын – эти, үрүҥ аһы, балыгы, мүөтү уо.д.а. – куорат олохтоохторо бэрт холкутук сылдьан көрдүлэр-иһиттилэр, туох даҕаны үтүрүһүүтэ, халыҥ уочарата, этиһиилээх анньыһыыта суох атыыластылар.
Иккиһинэн, мэлдьи буолар маастар-кылаастар, дегустациялар, саҥа бородууксуйалары билиһиннэрии итиэннэ үлэ кэлэктииптэрин тэттик кэнсиэртэрэ күнүнэн аттарыллан ыытыллалар. Быйылгы сыл Саха Өрөспүүбүлүэктигэр Үлэ сылынан биллэриллибитэ, онон сибээстээн, «Үлэ мөссүөнэ» хаартысканан быыстапка туруорулунна. Быыстапка-дьаарбаҥка хаамыытын билиһиннэрэр араадьыйа-сурунаал үлэлиир.
Хаартыскаҕа Айыына Герасимова түһэриилэрэ
-
0
-
0
-
0
-
1
-
0
-
0
