Балаҕан ыйын 20 күнүгэр Аһылык технологиятын киинин исписэлиистэрин тэрээһининэн, «Норуот талар» куонкуруска 13 тыа хаһаайыстыбатын кэпэрэтиибин бородууксуйаларыттан бастыҥнары быһаарыы буолла.
Быыстапка-дьаарбаҥканы көрө, атыылаһа кэлбит дьоннор остуолга тардыллыбыт халбаһы, сыыр уонна арыы арааһыттан амсайан көрөн бараннар, амтанынан, сытынан-сымарынан уонна уопсай хаачыстыбатынан сөбүлээбиттэрин талан, нүөмэринэн кумааҕыга суруйан, дьааһыкка түһэрдилэр. Итинник куоластааһыҥҥа 350 киһи кытынна. Аһылык технологиятын киинин салайааччы Розаида Гудуева иһитиннэрбитинэн, олохтоох табаары оҥорооччулары өйүүр сыаллаах ыытыллар бу куоластааһын түмүгэ быыстапка-дьаарбаҥка сабыллар тэрээһинигэр иһитиннэриллиэҕэ.
Хаартыскаҕа Айыына Герасимова түһэриитэ
-
0
-
0
-
0
-
0
-
0
-
0
