Сүүмэрдиир түһүмэххэ улуустар хамаандаларын тэринэллэр, онно үс кыттааччы – агроном, зооинженер уонна урбаанньыт киирэллэр. Иккис, өрөспүүбүлүкэтээҕи, түһүмэх олунньу 16 күнүгэр диэри ыытыллар, хамаандалар жюрига дьиэтээҕи сорудахтарын туттараллар уонна зачеттаах сорудаҕы толороллор. Ол эбэтэр бэйэлэрин улуустарыгар баар үс (бастыҥ, орто көрдөрүүлээх уонна хаалыылаах) хаһаайыстыба сайдыыларын стратегиятын билиһиннэрэллэр. Куонкуруска кытыахтарын баҕарар дьон олунньу 8 күнүгэр диэри тест толороллор, сыылката: https://goo.su/5lzfJ. Оонньуу балаһыанньатын сайтка көрүҥ диэн Тыа хаһаайыстыбатын уонна ас-үөл министиэристибэтин пресс-киинэ иһитиннэрэр.
Төрдүс төгүлүн ыытыллар «Муус устар» ыччат бэстибээлэ быйыл уонтан тахса хайысхалаах. Ол иһигэр бааллар: «Спорт», «Кинематография уонна мультипликация», «Digital уонна IT», «Киберспорт», «Журналистика уонна блогинг», «Үҥкүүлүүр кыбаартал», «Саха сирин муусуката», «Эдэр бизнес», «Эдэр педагог» уо.д.а. «Эдэр аграрий» быйыл өрөспүүбүлүкэҕэ аан бастаан тэриллэр.
- 0
- 0
- 0
- 0
- 0
- 0