Хоһооннору бэйиэт, И.Д. Неустроев аатынан ыччат литэрэтиирэтин бириэмийэтин лауреата, эдэр литератордар Сэбиэттэрин чилиэнэ Василий Рожин суруйбут. Кини 2022 с. алтынньы ыйыгар Донецкай Норуодунай Өрөспүүбүлүкэ Нескучное сэлиэнньэ аннынан ыарахан кыргыһыы кэмигэр өлбүтэ.
Бэйиэт кылгас да буоллар, чаҕылхай олоҕун устата икки тылынан 1500-тэн тахса хоһоону суруйбута. Кини хоһоонноро Саха Сирин элбэх хаһыаттарыгар, ол иһигэр «Чолбон» уус-уран литэрэтииринэй, уопсастыбаннай-бэлитиичэскэй сурунаалга бэчээттэммитэ.
Норуот дьокутаата Александр Подголов ааптар поэзията аан дойдуга буола турар быһыыны-майгыны чуолкайдык көрдөрөр диэн бэлиэтээтэ.
- Хоһоон бастакы строкаларыттан ааптар улахан талаана ааҕыллар, тоҕо диэтэххэ, киһи санаатын, этин-сиинин уйулҕата таарыллан бэриллэр. Билигин анал байыаннай дьайыыга сылдьар уолаттартан элбэх хоһоону ааҕабын, айымньыларыгар ураты көрүүлэрин бэлиэтиибин.
Парламентарий анал байыаннай дьайыы кыттыылаахтарын айымньыларын киэҥ араҥаҕа тарҕатыы, култуурунай үөрэхтээһиҥҥэ уонна патриотическай иитиигэ туһуламмыт тэрээһиннэр сүдү суолталаахтарын эттэ.
-
0
-
0
-
0
-
0
-
0
-
0
