Сыыппара технологиятын кыыһа ААЙТА нууччалыы эрэ буолбакка, сахалыы эмиэ «билэр», ол эбэтэр киниэхэ киирэр ыйытыылары, этиилэри тутар итиэннэ тустаах былаас уорганнарыгар ыытар. Хардатын тутта да, ыйытыыны биэрбит киһиэхэ бэйэтэ төлөпүөннээн, иһитиннэрэр.
– Биһиги ААЙТА-ны саныы сайыннаран, кыаҕын кэҥэтэн иһэбит. Кини биир уратыта диэн сахалыы эмиэ үлэлиир. Хас киирэр этии барыта кини саха тылын истэ, ылына үөрэнэригэр уонна баһылыырыгар тирэх буолар, – диир инновация, сыыппара уонна инфокоммуникационнай технлогиялары сайыннарыы миниистирэ Петр Николаев.
Санатан эттэххэ, ааспыт нэдиэлэҕэ буолан ааспыт Ил Дарханныын быһа биэриигэ барыта 1700-тэн тахса ыйытыы, этии киирбитэ. Быһа биэрии кэнниттэн ААЙТА салгыы үлэлии турар. Онон өрөспүүбүлүкэ олохтоохторо хаһан баҕарар киниэхэ төлөпүөнүнэн 8 (4112) 510-000 нүөмэргэ эрийэн, мунаахсыйар боппуруостарыгар ыйытыыларын нууччалыы да, сахалыы да биэриэхтэрин сөп. Бу туһунан Инновация, сыыппара уонна инфокоммуникационнай технлогиялары сайыннарыы министиэристибэтэ иһитиннэрэр.
Хаартыска: Инновация, сыыппара уонна инфокоммуникационнай технлогиялары сайыннарыы министиэристибэтин саайта.
-
0
-
0
-
0
-
0
-
0
-
0
