Издательский дом Редакция Подписка
Погода в Якутске: . 28 oC

Былыты быыһынан өҥөс гынан мичилийэр, хаары быыһынан халбарыс гынан сандаарыйа сыдьаайар саҥа күнүнэн! Түлүк түүн бүдүкү - бадыкы туругун суһуктуйуу солбуйан, суһуктуйуу кэннэ сандаарар саһарҕа сарыалын сырала сэбэрэлиин сэргэхситтин, тоҕотун токкоолоспокко төрүөтэ суох үөртүн.

Былыты быыһынан өҥөс гынан мичилийэр, хаары быыһынан халбарыс гынан сандаарыйа сыдьаайар саҥа күнүнэн! Түлүк түүн бүдүкү - бадыкы туругун суһуктуйуу солбуйан, суһуктуйуу кэннэ сандаарар саһарҕа сарыалын сырала сэбэрэлиин сэргэхситтин, тоҕотун токкоолоспокко төрүөтэ суох үөртүн.

Үөрэ - дьүөрэ буоларга сырдык хараҥалыын, үрдүк намыһахтыын, үтүө мөкүлүүн мөккүөрэ мөҥүрүөн моргуорун уҥуордаан туруулаһан туран тургутууну тулуйуоҕуҥ. Сатаммата диэн саллыбакка, табыллабата диэн толлубакка, буолбата диэн бууннаабакка, кэлбэтэ диэн кэтэмэҕэйдээбэккэ сыаллаах - соруктаах буолуохха, мэлдьи иннибит диэки дьулуһуохха, үрдүккэ талаһыахха.

Күөҕү көҕүлүүр, үүнэртэн үөрэр, быгартан астынар арассаада түннүк аайы турдун, күһүҥҥү киһи күлбүтүнэн буолар кэм төрүөтэ буоллун. Хотон аайы хото аһатыллар хотун хаан ынах үрүҥ илгэни үрүлүттүн, дал аайы далбарданар ынах сыа отунан сыҥаланнын, кыбыы аайы кыбыллыахха айылаах кырыы кырыытынан кыстаммыт куруу от күөххэ үктэниэххэ диэри тириэртин. Сыспай сиэллээх инчэҕэйгэ, сииктээххэ сэниэтэ барамматын туһугар эбии аһынан хадаҕаланнын, маанылаан эбиэһинэн манньаланнын.

Үһү дии дии үрүө тараа буолумуоҕуҥ, ини дии дии иҥнэл - таҥнал барымыаҕыҥ, оннук буолуо дии дии омуннурумуоҕуҥ,маннык буолуо дии дии абына - табына тарҕаһымыаҕыҥ. Бииргэ буолартан бигэтийэн, тэҥҥэ буолартан тирэхтэнэн, сэргэстэһэ буолартан сэргэхсийэн сэгэччи буолуоҕуҥ. Саха дьонун.сиэринэн дьоһуннаахтык дьаһаныаҕыҥ, дьиппиэн буолуоҕуҥ.

Хаартыска: yakutia-daily.ru

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
Лента новостей

Сылгы тумнастар бырдаҕа

Орто Халыма улууһугар иккис сылын хараан бырдах түһэн, сүөһүгэ, сылгыга олус ыарахан…
23.07.24 14:51