Бу нүөмэрдэринэн сүөһүнү бас билээччи толору аатын-суолун, ханна олорорун итиэннэ сүөһү төрөөбүт сылын, күнүн, хаһан уонна туох ыарыыга ылларан бэтэринээргэ эмтэммитин, ханнык быһыылары ылбытын туһунан чахчылар түмүллэн анал бырагыраамаҕа киллэриллэллэр.
Ынах сүөһү маассабай төрүөҕэ саҕаланыаҕыттан бэтэринээрдэр түбүктэрэ үксээтэ. Кинилэр хаһаайыстыбаларынан кэрийэ сылдьаннар, сүөһүлэр уопсай туруктарын көрөллөр-истэллэр, саҥа төрүөҕү учуоттууллар. Ньирэйэргэ бииркэ кэтэрдэллэр, ону сэргэ трихофития итиэннэ паратиф утары быһыылары оҥороллор.
Амма улууһун Бэтэринээрийэҕэ управлениетын Чакырдааҕы пуунун исписэлиистэрэ бу күннэргэ «Кэскил» хааччахтаммыт эппиэтинэстээх хаһаайыстыбаҕа сылдьаннар, быйылгы төрүөх 69 ньирэйи көрдүлэр-иһиттилэр, быһыы биэрдилэр, кулгаахтарыгар биирка кэтэртилэр диэн Бэтэринээйэ управлениета иһитиннэрэр.
-
0
-
1
-
0
-
0
-
0
-
0
