Издательский дом Редакция Подписка
Погода в Якутске: . 21 oC

Сааскы халаан уутун аһардыы боппуруоһа билигин болҕомто киинигэр турар.

Сааскы халаан уутун аһардыы боппуруоһа билигин болҕомто киинигэр турар.

Бүгүн Өлүөнэ өрүскэ Өлүөхүмэ улууһун сиригэр уустук балаһыанньа үөскээбитинэн өрөспүүбүлүкэтээҕи  Ыксаллаах быһыыга-майгыга хамыыһыйатын мунньаҕа буолла. Хамыыһыйа бэрэссэдээтэлэ-  өрөспүүбүлүкэ Ил Дархана Айсен Николаев  салайыытынан барбыт мунньахха, Өлүөнэҕэ муус устуутун ымыктаан-чымпыктаан көрүү буолла. Айсен Сергеевич ууга барар намыөах сирдэргэ турар    нэһилиэнньэлээх пууннартан, холобура Кыыллаах сэлиэнньэтиттэн дьону куттала суох сиргэ көһөрүү, кэмигэр сөптөөхтүк тэриллибэтэҕин ыйда: “Хомойуох иһин, миэстэтигэр олохтоох салайыныы уорганнара сорох нэһилиэктэргэ олохтоохтору, оҕолору көһөрүүнү, сүөһүнү, сылгыны  үрдүк сиргэ таһаарыыны эрдэттэн тэрийбэтэхтэрэ көһүннэ. Дьон көһөртөн аккааастаналлар диэн тохтоон, уоскуйар сатаммат. Дьон куттала суох буолуутун хааччыйыы маҥнайгынан турарын уонна бытаарыыта суох быһаарыллыахтааҕын өйдөөн туран, суһал миэрэлэри ылар наада”-диэн, Хаҥалас улууһугар эрдэттэн үлэни ыытарга сорудахтаата.

Бүгүн Хоро нэһилиэгин аннынан үөскээбит харыыны суох оҥордулар, онон өрүс бу учаастагын үөһээтигэр уу 30 см. түстэ.   Ону кытта, Дэлгэй, Иннээх сэлиэнньэлэригэр уу таһыма намтаата. Ол гынан баран, Кыыллаах, I Нөөрүктээйи, II Нөөрүктээйи, Хоро нэһилиэктэригэр уу түстэр да, уустук балаһыанньаҕа олороллор.

Саха Сирин атын өрүстэригэр -Аммаҕа, Алдаҥҥа, Бүлүүгэ, Орто Халыма улууһугар Березовка өрүһүгэр муус устуутун кэмигэр кутталлаах таһым бэлиэтэммэт диэн СӨ Ил Дарханын уонна Бырабыыталастыбатын пресс-сулууспата иһитиннэрэр.

Хаартыскалар Сахагов саайтыттан ылылыннылар

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
Лента новостей

Сылгы тумнастар бырдаҕа

Орто Халыма улууһугар иккис сылын хараан бырдах түһэн, сүөһүгэ, сылгыга олус ыарахан…
23.07.24 14:51