Онтон атыттарга уу түһэн эрэрэ бэлиэтэнэр диэн бүгүн, Нам улууһун баһылыга Юрий Слепцов Ыксаллаах быһыыны-майгыны сэрэтэр уонна туоратар, баһаартан куттал суох буолуутун хааччыйар хамыыһыйа мунньаҕар иһитиннэрдэ.
--Бэҕэһээ Ил Дархан Айсен Николаев Хатырыкка ыыппыт мунньаҕар ыстаап үлэтэ быһаарыллыбыта, ситэриилээх былаас уорганнарыттан эппиэтинэстээхтэри анаммыттара. Чөлүгэр түһэрэр үлэлэр ыытыллаллар. Айсен Сергеевич эмсэҕэлээбит дьоҥҥо көрүллэр төлөбүрү ыытары бастакы уочаратыан дьаһайарга сорудахтаабыта, — диэн гражданскай оборуона дьыалаларыгар уонна нэһилиэнньэ олоҕор-дьаһаҕар куттал суох буолуутун хааччыйар миниистир Дмитрий Лепчиков эттэ.
«Сахатранснефтегаз» АУо иһитиннэрбитинэн, Нам улууһугар билигин гаас ситимин көрөн-истэн, чөлүгэр түһэриигэ 20 киһи үлэлии сылдьар. Нэһилиэнньэлээх пууннартан уу түһүүтүнэн көрөн, бу үлэҕэ 70 киһи уонна 17 анал тиэхиньикэ тардыллара былааннанар.
-
0
-
0
-
0
-
0
-
0
-
0
