Издательский дом Редакция Подписка
Погода в Якутске: . 25 oC

Быйылгы “Бакалдын” - эбэҥки норуотун сайыны көрсөр  чаҕылхай бырааһынньыга бэс ыйын 7,8,9 күннэригэр Дьокуускайтан тахсар Бүлүүлүүр аартыкка – Кэҥкэмэҕэ ыытыллыаҕа.

Быйылгы “Бакалдын” - эбэҥки норуотун сайыны көрсөр  чаҕылхай бырааһынньыга бэс ыйын 7,8,9 күннэригэр Дьокуускайтан тахсар Бүлүүлүүр аартыкка – Кэҥкэмэҕэ ыытыллыаҕа.

Үгэс быһыытынан сыл аайы “Бакалдыны” анал эппиэтинэстээх улуус тэрийэр. Былырыын Эдьигээннэр ыыппыт эпит буоллахтарына,  быйыл бырааһынньыгы Булуҥ улууһа иилиэҕэ-саҕалыаҕа. Онуохаҕа бэлэмнэнии үлэтэ үгэннээн бара турар диэн Булуҥ улууһун  “Арктика майааҕа” хаһыат эрэдээксийэтэ бэйэтин саайтыгар биллэрэр.  

Эбэҥки норуотун итэҕэлин, култууратын уонна фольклорун кытта ыкса ситимнээх үтүө тэрээһин   үгэс курдук ыраастаныы, сүгүрүйүү уонна аал уоту арчылааһын сиэрин-туомун толоруунан саҕаланыаҕа.   Бастакы күн - бэс ыйын 7 күнүгэр бэстибээл ыытыллар сирин алҕааһынынан, сир-уот иччилэриттэн көрдөһүүттэн аһыллыаҕа.  Бэс ыйын 8 күнэ тахсыыта “Дылача Арчалдынин”  күнү көрсүү сиэрэ-туома толоруллуоҕа. Ити күн бэстибээли үөрүүлээхтик арыйыы кэннитэн “Звенящий голос Севера” эстрада-фольклор куонкуруһа, ычаттарга “Аякчана-2024” кэрэ уонна талба куонкуруһа, “Дюган-мутни энэсит” дьиэ кэргэн куонкуруһа, хаартыска быыстапката, “Girkil partu”    сынньалаҥ киэһэтэ уонна да атын тэрээһиннэр ситимнэнэн ыытыллыахтара.

Күүстээхтэргэ, быыппастар былчыҥнаахтарга (улахаттарга, оҕолорго) анаан маякит  быраҕыыта, мас тардыһыыта, наартаны нөҥүө ойуу, хапсаҕай тустуута тэриллиэхтэрэ. “Бакалдын” түмүгэр эбэҥки  ырыатын култууратын маастара Прокопий Егорович Николаев аатынан ”Эведы икэлэн” эбэҥкилии эргийэн үҥкүү куонкуруһа дьону түмүөҕэ уонна үбүлүөйдээх дьону чиэстээһин ыытыллыаҕа.

Быйылгы сайыны көрсүһүү бырааһынньыга Арассыыйаҕа дьиэ кэргэн Сылыгар уонна Саха Сиригэр оҕо саас Сылыгар ананыаҕа.      

 Иһитиннэрии уонна хаартыскалар “Улусмедиа” саайтыттан ылылыннылар

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением