Олох салҕанар диэн манныгы этэн эрдэхтэрэ. Нам улууһун үгүс нэһилиэктэрин сирин-уотун халаан уута аймаан ааспытын кэннэ, чөлүгэр түһэрии үлэтэ тохтообокко күннэри-түүннэри бара турар. Өрөспүүбүлүкэ бары муннуктарыттан көмө оҥоһуллар, араас матырыйаалларынан, табаардарынан өйөбүл кэлэ турар. Нам улууһун олохтоохторо төһө да ыарахаттардааҕын иһин, бэйэлэрин харыларын күүһүнэн, дьулуурдарынан алдьаммыты оһорунар, тохтубуту өрө тардар кыһалҕатыгар сылдьаллар. Кинилэр уустук диэн ыһыктыбакка, тохтоон хаалбакка, сарсыҥҥыларын санаан, бииргэ тутуспутунан инники диэки баран иһэллэр. Соторутааҕыта Хатыҥ Арыы нэһилиэгин Кыраап Биэрэгэр баар Намнааҕы техникумҥа субуотунньукка сылдьан, толору итэҕэйэн кэллим.
Олох салҕанар диэн манныгы этэн эрдэхтэрэ. Нам улууһун үгүс нэһилиэктэрин сирин-уотун халаан уута аймаан ааспытын кэннэ, чөлүгэр түһэрии үлэтэ тохтообокко күннэри-түүннэри бара турар. Өрөспүүбүлүкэ бары муннуктарыттан көмө оҥоһуллар, араас матырыйаалларынан, табаардарынан өйөбүл кэлэ турар. Нам улууһун олохтоохторо төһө да ыарахаттардааҕын иһин, бэйэлэрин харыларын күүһүнэн, дьулуурдарынан алдьаммыты оһорунар, тохтубуту өрө тардар кыһалҕатыгар сылдьаллар. Кинилэр уустук диэн ыһыктыбакка, тохтоон хаалбакка, сарсыҥҥыларын санаан, бииргэ тутуспутунан инники диэки баран иһэллэр. Соторутааҕыта Хатыҥ Арыы нэһилиэгин Кыраап Биэрэгэр баар Намнааҕы техникумҥа субуотунньукка сылдьан, толору итэҕэйэн кэллим.
Намнааҕы техникум үөрэнэр куорпуһугар, төһө да көрүдүөр муостата көтүрүлүннэр, биир муоста хаптаһынынан далаһаланан ас астыыр үөрэнэр лабораторияҕа киирдибит. Манна бүгүн техникум бүтэрэр устудьуон повардар эксээмэннэрэ бара турар. Ураты суолталаах тэрээһин буолара туттарааччылар да, тутааччылар да боччумнаах хамсаныыларыттан, долгуйбут харахтарыттан да тута сэрэйэҕин.
Быйыл үөрэхтэрин бүтэрэр Инна Суханова, Лидия Евсеева, Аина Соловьева итии бүлүүдэни эксээмэни тутааччылар иннилэригэр буһаран, барытын көрдөрөн иһэллэр. Бастакы түһүмэх кэнниттэн, аны кондитерскай бүлүүдэни астааһын күүтүллэрэ эмиэ туһугар долгуйууну эбэр. Экспертэр хамыыһыйаларын бэрэссэдэтэлэ Сардаана Сидорова, общепит тэрилтэлэрин салайааччылара, уопуттаах исписэлиистэр Анастасия Ядреева, Александр Васильев туттарааччылар хас биирдии хамсаныыларын кыраҕатык кэтииллэр. Кинилэр үлэлэриттэн дьон доруобуйата тутулуктааҕа биир улахан эппиэтинэс буоллаҕа.
Ааптар хаартыскаҕа түһэриилэрэ
0
0
0
0
0
0
