Ол күнтэн Саха сиринэн эстафета тэриллэн уопсайа 37 тыһыынча килэмиэтири ааста. Өрөспүүбүлүкэ улуустарыгар барыта 500-тэн тахса факелоносец кыттыыны ылла, 900 волонтер арыаллаата.
Бэс ыйын 26 күнүгэр сарсыарда 10 чаастан «Азия оҕолорун” уотун эстафетатын түмүктүүр түһүмэҕэ Кыайыы болуоссатыттан
саҕаламмыта. Куорат киин уулуссаларынан баран, күнүс 12 чааска Доҕордоһуу болуоссатыгар тиийэн түмүктэммитэ.
Эстафетаҕа 74 факелы көтөҕөөччү, ол иһигэр Ил Дархан Айсен Николаев, «Азия оҕолорун» норуоттар икки ардыларынааҕы кэмитиэтин бэрэсидьиэнэ Владимир Максимов, Арассыыйа Олимпийскай кэмитиэтин бэрэсидьиэнэ Станислав Поздняков, Дьокуускай мээрэ Евгений Григорьев, «Азия оҕолорун» урукку кыттыылаахтара, уо.д.а. сүүрдүлэр.
-
0
-
0
-
0
-
0
-
0
-
0
