Уот хаппыт уопсай иэнэ 31 148 га.Ол туһунан буолбут брифиҥҥэ СӨ Экологияҕа, айылҕаны туһаныыга уонна ойуур хаһаайыстыбатыгар миниистири солбуйааччы Андрей Коноплев биллэрдэ диэн СӨ Ил Дарханын уонна Бырабыыталыстыбатын пресс-сулууспата иһитиннэрэр.
Ойуур баһаардара Үөһээ Бүлүү, Дьааҥы, Горнай, Нерюнгри, Сунтаар, Томпо улуустарыгар умуруоруллубуттар. Оттон салгын аалынан уонна космостан кэтээн көрүүнэн 827,5 га иэннээх сиринэн тайаабыт 16 ойуур баһаара көстүбүт.
Суукка саҕаланыытыгар 121 ойуур баһаара (327 140 га) уонна 1 ландшафтнай (6839 га) баһаардар бэлиэтэнэллэр. Итинтэн 8 бохсуллубут (18 288 га). Бу Амма, Үөһээ Бүлүү, Дьааҥы, Ленскэй, Өлүөхүмэ уонна Сунтаар улуустарыгар.
Ойуур уотун умуруорууга 1658 киһи, 79 тиэхэньикэ үлэлээбиттэр. Салгын аала үлэлиир.
Өрөспүүбүлүкэҕэ эрэгийиэн уонна федеральнай таһымнаах ыксаллаах быһыы-майгы эрэсиимэ салҕанар. Ураты баһаар эрэсиимэ салҕанарынан, ойуурга тахсыы хааччахтанар.
Хаартыскалар куйаар ситимиттэн
-
0
-
0
-
0
-
0
-
0
-
0
