«РФ бэрэсидьиэнин 2024 сыл кулун тутар 31 күнүнээҕи 222№-дээх ыйааҕыгар сөп түбэһиннэрэн, сааскы ыҥырыыга 150 тыһ. киһиэхэ бэбиэскэ туттарыллан, байыаннай чаастарга тиэрдилиннилэр», -диэн министиэристибэ иһитиннэрэр.
Ыҥырыы хамыыһыйалара муус устар 1 күнүттэн үлэлэрин саҕалаабыттара, оттон ыҥырыллыбыттары РФ эрэгийиэннэрин сүүмэрдиир пууннарыттан байыаннай күүстэргэ ыытыы муус устар 15 күнүттэн барбыта.
Урукку сылларга курдук, ыҥырыы хампаанньатын кэмигэр эдэр дьон муниципалитеттардааҕы байыаннай комиссариаттарга байыаннай сулууспаны баралларыгар талар бырааптарын туһаммыттара. Онно доруобуйаларын туруга уонна профессиональнай писхологическай сүүмэрдээһин түмүгэ учуоттаммыта.
Ыҥырыллыбыт дьону сулууспаҕа барыахтарын иннинэ күннээҕи кэтэр пуорманан хааччыйбыттара, муоратааҕы байыаннай флот - хара өҥнөөх, байыаннай космическай күүстэргэ уонна салгыннааҕы десантнай сэриилэргэ - халлаан күөҕэ өҥнөөх, атын күүстэргэ - от күөҕэ өҥнөөх. Ону таһынан несессарынан, баан уонна тус электроннай каартатынан хааччыллыбыттара.
Ыҥырыллыбыттары байыаннай чаастарыгар диэри илдьэргэ тырааныспарынан хааччыйарга РФ байыаннай күүстэрин авиацията 15 эриэйсэни оҥордо, 14 байыаннай эшелон, 172 кырасдааныскай авиация эриэйсэтэ, пассажирскай поездтар, ону тэҥэ байыаннай чаастар автомассыыналара тардылыннылар.
Саас ыҥырыллыбыттар Донецкайдааҕы уонна Луганскайдааҕы норуодунай өрөспүүбүлүкэлэргэ, Херсонскай, Запорожскапй уобаластарга ыытыллыбатылар. Үгүс ыҥырыллыбыттар үөрэх чаастарыгар уонна саҥа тиэхиньикэни билиһиннэрэр, үөрэтэр байыаннай чаастарга ыытыллан, байыаннай исписээлинэһи ылыахтара.
Сулууспалыыр болдьохторо бүппүт сулууспалаахтар кэмигэр босхолоннулар уонна олорор сирдэринэн ыытылыннылар диэн бэлиэтэммит.
Билиһиннэрии ТАСС саайтыттан, хаартыскалар куйаар ситимиттэн
-
0
-
0
-
0
-
0
-
0
-
0
