СӨ ЫБМ араас структураларыттан 1975 киһи уонна 187 тиэхиньикэ тардыллан билигин умуруорууга үлэлэһэллэр.
Өрөспүүбүлүкэ сиригэр-уотугар эрэгийиэннээҕи уонна федеральнай таһымнаах ыксаллаах быһыы-майгы эрэсиимнэрэ салҕаналлар. Аҕыс улууска муниципальнай таһымнаах ыксаллаах быһыы-майгы эрэсиимэ салҕанар.
РФ ЫБММ СӨ Кылаабынай управлениетын хонтуруолугар 13 баһаар турар.
Өлүөхүмэ улууһугар Бэс Күөлтэн 9,8 км тэйиччи сиргэ баһаар бохсулунна, хаппыт иэнэ 13 059 га. Уоту 50 киһи, 3 тиэхиньикэ тардыллыбыта.
Дабаантан 10 км. сиргэ баар баһаар иэнэ 21 618 га. Баһаары умуруорууга 95 киһи сылдьар, 14 тиэхиньикэ үлэлиир. Куду Күөлтэн 9,4 км сиргэ баар баһаар иэнэ 4 807 га. Уоту умуруорууга 69 киһи үлэлии сылдьар. Тээнэ бөһүөлэгиттэн 7,8 км сиргэ баһаар бэлиэтэнэр, иэнэ 2 805 га. Уоту умуруорууга 56 киһи, 1 тиэхиньикэ үлэлииллэр.
Үөһээ Бүлүү улууһугар Быракаан сэлиэнньэтиттэн 10 км сиргэ баһаар иэнэ 11 718 га. Умуруорууга 137 киһи сылдьар, 22 тиэхиньикэ үлэлиир. Өргүөттэн 15 км тэйиччи баар 16 106 га иэннээх сири хаппыт баһаары умулларыыга 88 киһи сылдьар, 10 тиэхиньикэ үлэлиир.
Абый улууһугар 10 км. суонаҕа биир баһаар бэлиэтэнэр. Белай Гора бөһүөлэк чугаһыгар баһаар иэнэ 16 733 га. Уоту умуруорууга 86 киһи үлэлиир.
Ленскэйгэ Орто Наахараттан 10 км сиргэ 10 га иэннээх сири хаппыт баһаары 6 киһи умулларар.
Дьааҥы улууһугар Сайдыы с. 5 км. тэйиччи баар баһаар 26 335 га хабан умайар. Уоту умуруорууга 80 киһи, 3 тиэхиньикэ үлэлиир. Токума с. таһыгар баар баһаар 6 980 га хабан умайар. Уоту умуруорууга 57 киһи, 10 тиэхиньикэ үлэлиир.
Кэбээйи улууһугар Арыктаах с. 10 км. сиргэ биир баһаар 134 га умайар. Уоту умуруорууга 4 киһи, 3 тиэхиьникэ үлэлииллэр.
Алдан улууһугар Угоян с. 12 км. сиргэ баар баһаар 27 га умайар. Уоту умуруорууга 3 киһи, 3 тиэхиньикэ үлэлииллэр.
Ааспыт сууккаҕа БЕ-200 үс сөмөлүөтүнэн Үөһээ Бүлүү, Кэбээйи улуустарыгар 190 туонна уу кутулунна, МИ-8 бөртөлүөттэринэн Үөһээ Бүлүү улууһугар 126 туонна уу быраҕылынна. РФ ЫБММ аэромобильнай бөлөҕө Дабаан, Быракаан, Сайдыы, Токума сэлиэнньэлэрин уонна Белая Горя бөһүөлэк чугаһыгар баар баһаардары умуруорууга үлэлиир.
Бүгүн авиация Үөһээ Бүлүү, Кэбээйи, Алдан улуустарыгар үлэлиир
Хаартыскалар РФ ЫБММ СӨ Кылаабынай управлениетын пресс-сулууспатыттан
-
0
-
0
-
0
-
0
-
0
-
0