Бу бырайыак РФ Бырабыыталыстыбатын уураҕыгар олук буолан, салгыы бигэргэннэҕинэ, кэлэр сылга бу халандаары ууруна сылдьан, ханнык күҥҥэ өрүүргүтүн, сынньанаргытын, уоппусканы ыларга табыгастааҕын эрдэттэн былаанныы туруоххутун сөп. Ол курдук, саҥа дьыллааҕы каникуллар 2025 сылга 11 күн устата уһуохтара, ыам ыйдааҕы бырааһынньыктарга иккитэ төхтүрүйэн түөртүү күн сынньаныахпыт. Итинник уһун өрөбүллэр, бырааһынньык күннэр өрөбүллэргэ түбэһэллэрин иһин, көһөрөн биэрэллэрин түмүгэр, сорох бырааһынньыктарга уһуннук өрүүр буолабыт. Министиэристибэҕэ быһааралларынан, оннук быһаарыы үлэһиттэр сорох бырааһынньыктарга эбии сынньалаҥ күннэрин табыгастаахтык аттаран, туһалаахтык атааралларыгар ананар. Бырааһынньык күннэрин көһөрүү түмүгүнэн, 2025 сылга маннык уһун өрөбүллэр кэтэһэллэр:
2024 cыл ахсынньы 29 күнэ - 2025 сыл тохсунньу 8 күнэ- саҥа дьыллааҕы каникуллар.
Ыам ыйын 1-4 күннэрэ - Саас уонна Үлэ бырааһынньыга.
Ыам ыйын 8-11 күннэрэ - Кыайыы күнүн өрөбүллэрэ.
Бэс ыйын 12-15 күннэрэ - Арассыыйа күнүн бырааһынньыга.
Сэтинньи 1- 4 күннэрэ - Сомоҕолоһуу күнүн өрөбүллэрэ.
Бырааһынньык күннэрин көһөрүү, нэдиэлэҕэ быыстала суох 42 чаас сынньалаҥы хааччыйарга туһуланар уонна үлэ сокуонугар сөп түбэһэр. Дом. Рф эспиэрдэрэ быһааралларынан, өрөбүл уонна бырааһынньык күн үлэ иһин икки төгүл үрдүк хамнас төлөнүөхтээх. Ол гынан баран, итинник төлөбүр производственнай халандаарынан официальнайдык бигэргэммит өрөбүл күн үлэ иһин төлөнүөн сөп. Оттон өрөбүл уонна бырааһынньык күнүнэн биллэриллибэтэх гынан баран, үлэлээбэт күнүнэн бигэргэммит күннэргэ үлэлээтэххинэ, хамнас судургу күннэргэ курдук төлөнөр.
Хаартыскалар куйаар ситимиттэн
-
0
-
0
-
0
-
0
-
0
-
0