Соторутааҕыта, атырдьах ыйын 20 күнүгэр, Ил Дархан Айсен Николаев СӨ терроризмы утары үлэлиир хамыыһыйатын уонна өрөспүүбүлүкэ суһал ыстаабын холбоһуктаах мунньаҕын ыытта.
Мунньахха үөрэх тэрилтэлэрин эбийиэктэригэр террористическай дьайыылары толорор туһунан суоһурҕаныылардаах иһитиннэриилэри тарҕатыыны бохсууга эбии миэрэлэр тустарынан иһитиннэрии оҥоһулунна. Итинтэн сорохторо Билии күнүгэр, Куоластааһын биир кэлим күнүгэр сыһыаннаахтар.
Өрөспүүбүлүкэ баһылыга үлэни күүһүрдэргэ уонна судаарыстыбаннай былаас бары уорганнарын, муниципалитеттарын уонна муниципальнай тэрилтэлэрин, үөрэх, култуура, успуорт, доруобуйа харыстабылын тэрилтэлэрин хабары ыйда.
Автотырааныспар эбийиэктэригэр куттал суох буолуутун хааччыйыыга балаһыанньа туһунан иһиттилэр, ол иһигэр олохтоох салайыныы уорганнарын дьону таһар массыына тырааныспарын комплекстарыгар.
Эрэгиийэн баһылыга манна элбэх киһи тоҕуоруһар, үгүс тиэйии-таһыы ыытыллар Дьокуускай куоратыгар болҕомтону уурарга ыйда.
Айсен Николаев дойду бырабыыталыстыбатын уонна национальнай кэмитиэтин эбийиэктэр көмүскэллээх буолууларын хааччыйыыга сорудахтара анал байыаннай дьайыы усулуобуйатыгар булгуччу бары толоруллуохтаахтарын бэлиэтээтэ.
-
0
-
0
-
0
-
0
-
0
-
0
