Санатан эттэххэ, элбэх оҕолоох дьиэ кэргэн ахсааныгар үс уонна үстэн элбэх оҕолоох ыаллар хапсаллар, оҕолор 18-23 диэри саастаах буолуохтаахтар, өскөтүн күнүскү үөрэххэ үөрэнэр, эбэтэр аармыйаҕа сулууспалыы сылдьар түгэннэригэр. Дьиэ кэргэн чилиэттэрэ олорор дьиэлэригэр пропискалара ирдэнэр. Сайабылыанньаны ааспыт ыйдааҕы хомунаалынай төлөбүрдэрин төлөөбүт, иэһэ суох түгэннэригэр ылаллар.
30% чэпчэтиини сайабылыанньаны суруйдахтарына биирдэ аныыллар, ону сылга биирдэ оҥороллор. Харчыны ый ахсын Саха Сирин олохтооҕун туоһулуур баан каартатыгар түһэрэллэр.
Тустаах сайабылыанньаны балаҕан ыйын 1 күнүттэн МФЦ офистарын нөҥүө, эбэтэр e-yakutia.ru саайтка биэриэххэ сөп. Хомунаалынай өҥөҕө 30% чэпчэтиинэн туһанарга элбэх оҕолоох дьиэ кэргэн дохуота учуоттаммат, ол эрэн оҥоһуллар төлөбүр кээмэйэ атын босуобуйаны ыларга дьиэ кэргэн дохуотугар ааҕыллар буолуоҕа.
Хаартыска: МК.ru
-
0
-
0
-
0
-
0
-
0
-
0
