Сахабыт Сирин автономиятын уонна судаарыстыбаннаһын төрүттэспит улуу дьоммутун саныах тустаахпыт. Саха биир чулуу салайааччытынан судаарыстыбаннай диэйэтэл, Баартыйа Обкомун бастакы сэкиритээрэ Семен Захарович Борисов буолар.
Кини Дьокуускай куорат 202 түөлбэтигэр баар пааматынньыгар бүгүн Ил Түмэн дьокутааттара, ситэриилээх былаас бэрэстэбиитэллэрэ, оскуола оҕолоро сибэкки дьөрбөтүн уурдулар.
СӨ Урбаанын, атыыга-эргиэҥҥэ, туризмҥа миниистир Тимур Ханды суверенитеты ылынаммыт, күн бүгүн Сахабыт Сирэ экэниэмикэ сайдыытынан Уһук Илин, Арассыыйаҕа инники күөҥҥэ сылдьарын туһунан эттэ.
«Семен Захарович Борисов аатын кэриэстээн, икки сыллааҕыта искибиэр аһыллыбыта. Кини Сэбиэскэй кэмҥэ бырамыысыланнас сайдарыгар дьоһун кылаатын киллэрбитэ. Билиҥҥи сайдыылаах олохпутун саха чулуу дьоно, судаарыстыбаннай диэйэтэллэр уһансыбыттарын кэнэҕэс көлүөнэ өрүү өйдүү-саныы сылдьыахтаах», — диэн бэлиэтээтэ миниистир.
Петр Павлов хаартыскаҕа түһэриитэ.
-
0
-
0
-
0
-
0
-
0
-
0
