СӨ Ил Дарханын уонна Бырабыыталыстыбатын пресс-сулууспата иһитиннэрэринэн, Ил Дархан Айсен Николаев кинини дойду үрдүкү наҕараадатын ылбытынан эҕэрдэлээтэ.
«Родимир, бу наҕараада бэйэтин эрэ киэнэ буолбакка, саамай уустук соруктары чиэстээхтик уонна хорсуннук толоро сылдьар бары доҕотторун үтүөлэрэ буоларын тоһоҕолоон бэлиэтээтэ. Дьоруойбутун ис сүрэхпиттэн эҕэрдэлиибин, Саха Сирэ кининэн киэн туттар», — диэн бэлиэтээтэ Айсен Николаев.
«Восток» бөлөх чилиэнэ Родимир Максимов Новомихайловка оройуонугар (Марьинскай хайысха) кыргыһыыга ураты хорсун быһыыны көрдөрбүтэ, онно кини Украина сэбилэниилээх күүстэрин бөҕөргөтүүтүн сэриилээн ылар бөлөххө сылдьыбыта.
Байыас хамандыыра бааһырбытын кэннэ салалтаны бэйэтигэр ылан , бөлөх икки суукка устата өстөөх 4-тэ саба түһүүтүн хорсуннук киирсэн төттөрү бырахпыта. Родимир тус бэйэтэ 27 утарылаһааччыны суох оҥорбута, оттон ытар ботуруон аччаан, бүтэн эрдэҕинэ, миинэлээх хонуунан этэҥҥэ туораан, дьонугар тиийэн көмө көрдөспүтэ. Кини дьулуурун уонна тулуурун көмөтүнэн, устуурмалыыр бөлөх бойобуой сорудаҕы толорбута, өстөөҕү бэйэтин кирбиитигэр киллэрбэтэҕэ.
Саха Сириттэн Арассыыйа Дьоруойа аат Родимир Максимовы тэҥэ өссө 8 киһиэхэ иҥэрилиннэ. Ол курдук, Игорь Юргин, Николай Соболев, Александр Колесов, Филипп Евсеев, Алексей Неустроев, Дмитрий Егоров, Дмитрий Куценко уонна Николай Евдокимов ааттарынан киэн туттабыт.
Хаартыскалар СӨ Ил Дарханын уонна Бырабыыталыстыбатын пресс-сулууспатытыттан ылылыннылар
-
2
-
0
-
0
-
0
-
0
-
0
