Ил Дархан байыастар байыаннай бэлэмнэниини барар сирдэригэр, байыаннай чаастарга уонна полигоннарга сырытта. Ону сэргэ, бэйэтэ көтөр тэриллэр кииннэригэр сылдьан үлэни-хамнаһы билистэ.
«Истиҥ көрсүһүүлэр буоллулар. Элбэх ыччаты билэбин, хаста да көрсөн, кинилэр устуоруйаларын истэн, күүстэрин, тулуурдарын көрөн-билэн турабын. Кинилэр бары инники күөҥҥэ, барыбыт уопсай Кыайыыбыт туһугар сылдьаллар«, — диэн Айсен Николаев бэйэтин санаатын телеграм ханаалыгар бэлиэтиир.
Көрсүһүүгэ Айсен Сергеевич байыастар туохха наадыйалларын, санааларын иһиттэ. «Көрдөһүүлэрэ, баҕа санаалара сурулунна, барыта болҕомтоҕо ылыллыаҕа. Хамандыырдарын кытары кэпсэттим. Биһиги байыастарбытын хайгыылларын үөрэ иһиттим. Саха Сирин байыастара эрэллээхтэрин, хорсуннарын бэлиэтииллэр«, — диир кини.
Бу сырыытыгар Ил Дархан Тирэх пууҥҥа тиэхиньикэлэри туттарда. Хотугу кыраай байыастара сулууспалыыр байыаннай чаастара «Патриотическая» ТОР резиденигэр «Якт-Сокол» ХЭУо бэлэмнээбит 7 вездеходун сэртипикээтин туттулар.
Саха Сирэ байыастары эбии малынан-салынан, наадалаах тэрилинэн хааччыйыыга биир холобурга сылдьар эрэгийиэнинэн биллэр. Бу кэмнэр усталарыгар өрөспүүбүлүкэ кыргыһыы кирбиитигэр элбэх тырааныспары уонна бэйэтэ көтөр тэриллэри ыытта. Тепловизордар, түүн көрөр тэриллэр, сибээс сириэстибэлэрэ, электро генератордар, сылытар тэриллэр, таҥас-сап, тэрил, уо.д.а. маллар-саллар быыстала суох ыытыллаллар.
2022 сыллаахха байыастарга көмөлөһөр сыаллаах-соруктаах Биир кэлим сүрүннүүр киин тэриллибитэ. Айсен Николаев тус бэйэтэ салайар «Вместе к Победе» анал хамыыһыйата тэриллэн үлэлиир. Бу хамыыһыйа Москубаҕа, Дьокуускайга, Владивостокка ыстааптар үлэлэрин, ону таһынан Саха Сирин байыастарын наадалаах малынан-салынан, тэрилинэн эбии хааччыйар ыстаап үлэлэрин сүрүннүүр.
Хаартыска Саха.гов саайтан
-
0
-
0
-
0
-
0
-
0
-
1
