Миниистир бүддьүөккэ харчы тиийбэтин маннык быһаарда: федеральнай бырайыагы оҥорорго уонна ону үбүлүүр Сири-уоту сайыннарар пуонда лимиитин олохтуурга биир кв. миэтэрэ Арассыыйа Тутууга министиэристибэтэ 2020 с. 1 кыбаарталыгар быспыт сыанатынан 73 007 солк. ааҕыллыбыт.
Оттон 2024 с. IV кыбаарталыгар өрөспүүбүлүкэҕэ дьиэ-уот биир кв.м. сыаната 148 799 солк. тиийдэ, мантан өссө сыаналаах дьиэлэр бааллар. Аартыка кытыы нэһилиэктэригэр тутуу матырыйаалын тиэрдии сыаната эмиэ үрдээбитин ааҕан туран, хоту тутуллар дьиэ биир кв.м. сыаната 241,3 тыһ. солк.
Быйыл федеральнай бүддьүөттэн 10 млрд. солк. көрүллүбүт, оттон дьону хаарбах дьиэттэн көһөрөргө 41,1 млрд. солк. ирдэнэр. РФ Бырабыыталыстыбатын Бэрэссэдээтэлин солбуйааччы Марат Хуснуллин өрөспүүбүлүкэҕэ үп дэписиитин толуйарга эбии харчы кыайан көрүллүбэтин туһунан иһитиннэрбит. «Олорорго табыгаһа суох дьиэни-уоту аҕыйатыы» федеральнай бырайыак 2030 с. диэри уһатылларын, ону «Олох инфраструктурата» диэн саҥа национальнай бырайыакка киллэрэллэрин туһунан кэпсэтии барарын туһунан эппит.
Хаартыска: Якутия.Инфо.
-
0
-
0
-
0
-
1
-
0
-
1
