Өрөспүүбүлүкэ үрдүнэн, бас билии көрүҥүттэн тутулуга суох, 158,3 тыһыынча ынах сүөһү, ол иһигэр 67,2 тыһыынча ыанар ынах итиэннэ 179,8 тыһыынча сылгы, ол иһигэр 120,7 тыһыынча биэ кыстатыллан турар. Күн бүгүн 340 ынах төрөөтө, 6 тыһыынча сылгы аһылыкка киирдэ.
Ас-үөл саппааһа баар, хаһаайыстыбалар кыстыкка 411,8 тыһыынча туонна оттоох, 25,6 тыһыынча туонна сиилэстээх уонна 12,8 тыһыынча туонна сенажтаах киирбиттэрэ. Улуустартан түмүллүбүт чахчынан, билигин 239 тыһыынча туонна от, 18,2 тыһыынча ттуонна сиилэс, 7 тыһыынча туона сиилэс баар эбит.
Хас биирдии хаһаайыстыба бэйэтэ олохсуйбут үгэстэрдээх. Холобур, тыйыс тымныылаах Дьааҥы улууһун «Алгыс» кэпэрэтиип пиэрмэтин кытары Боронук агрооскуолата (дириэктэр Нина Потапова) бииргэ үлэлэһэр. Быйыл кыһын агрооскуола учууталлара уонна үөрэнээччилэрэ икки төгүл кэлэн, үлэһиттэри солбуйдулар.
Хаартыскалары Екатерина Портнягина хааччыйда.
-
1
-
0
-
0
-
0
-
0
-
0
