Издательский дом Редакция Подписка
Погода в Якутске: . -24 oC

Мэҥэ Хаҥалас улууһун Хорообут нэһилиэгэр «Хорообут» хааччахтаммыт эппиэтинэстээх уопсастыба (салайааччы Григорий Плотников)  тыа хаһаайыстыбатын үлэтин хас да көрүҥүн тэрийэн, 45 киһини үлэнэн хааччыйан олорор. 

Мэҥэ Хаҥалас улууһун Хорообут нэһилиэгэр «Хорообут» хааччахтаммыт эппиэтинэстээх уопсастыба (салайааччы Григорий Плотников)  тыа хаһаайыстыбатын үлэтин хас да көрүҥүн тэрийэн, 45 киһини үлэнэн хааччыйан олорор. 

Хаһаайыстыба быйыл 409 ынах сүөһүнү, ол иһигэр 140 ыанар ынаҕы, 355 сылгыны, ол иһигэр 259 биэни кыстатан турар. Ас-үөл баар, комплекспыт сылаас, күннээҕи үлэ тиһигин анал үрдүк үөрэхтээх исписэлиистэр сүрүннүүллэр, хамнаспыт кэмигэр кэлэр, быһата үлэлииргэ-хамсыырга сөптөөх усулуобуйа баар диэн үлэһиттэр үөрэ-көтө, киэн тутта  кэпсииллэр.   к_-_01.jpeg

Хаһаайыстыба салалтата уонна идэлээх сойуус кэмитиэтэ ааспыт 2024 сыл түмүгүнэн үлэһиттэри сиэрдээхтик сыаналаабыт. Ол курдук, «Саха Өрөспүүбүлүкэтин тыатын хаһаайыстыбатын туйгуна» аатынан ыанньыксыт Мария Чугунова, Тыа хаһаайыстыбатын уонна ас-үөл бэлиитикэтин миниистирин  Махтал суругунан тырахтарыыс Спартак Винокуров, улуус дьаһалтатын Бочуотунай грамотатынан зоотехниктар Наталья Васильева, Степан Плотников, субан сүөһүнү көрөөччү Павел Птицын, сылгыһыт Владислав Чугунов наҕараадаламмыттар. Салааларынан куоталаһыыга «Бастыҥ осеменатор» аатынан Михаил Егоров бэлиэтэммит.

х_--_3.jpeg

Саха өрөспүүбүлүкэтин тыатын хаһаайыстыбатын үтүөлээх үлэһитэ, Хорообут нэһилиэгин бочуоттаах олохтооҕо Михаил Егоров 1976 сыллаахха орто оскуоланы бүтэриэҕиттэн, сүөһүгэ, сүрүннээн ыччат сүөһүгэ үлэлээн кэллэ. Ааспыт сайын 52 ньирэйи көрбүт, хас биирдиилэрэ биир сууккаҕа ортотунан 900 грамм эбиллэннэр, хаһан да ылбатах кирбиитин ситиспит.

Ити менеджербит саас битэмииннээх комбикуорманы хааччыйбытын түмүгэ буолар, – диэн киэн тутта этэр Михаил Михайлович. – Кыстыкка ол борооскуларбын илдьэ киирбитим, бастыҥнарым 200 киилэни холкутук үктүүллэр. Барыта 120 борооскуну Александр Егоров диэн эдэр уоллуун иккиэ буолан көрөбүт. Хамнаспыт хойутааһына суох кэлэр, сайын ньирэйбит эбиллиитэ үчүгэй буолан, ыйга 90-100 тыһ. солк. ылбыппыт.

Иккис идэм – осеменатор. Былырыын «Сахаагроплем» судаарыстыба бүддьүөтүн тэрилтэтин кытары 160 ынаҕы искусственнайдык сиэмэлииргэ дуогабардаспыппын, аһары толорон, 180 ынаҕы сиэмэлээбитим 100 % буоһаабыттара. Инньэ гынан сыл түмүгүнэн, улууска «Бастыҥ осеменатор» аатын ыллым. Билигин төрүөх саҕаланан эрэр, онон субаннарбын күтүөппэр туттаран, ынахтарга барыам, сиэмэлиэм уонна ньирэй элбиэр диэри ыанньыксыттары солбуйуом.

х_-_4.jpeg

Ил Дархан Айсен Николаев олохтообут «Үлэ киһитэ» бириэмийэтин 2023 сыллаахха туппут Марина Васильева бу хаһаайыстыба бастыҥ ыанньыксыта.

– Хорообут орто оскуолатын 1982 сыллаахха бүтэриэхпиттэн бу пиэрмэҕэ үлэлиибин. Ааспыт 40 сыл тухары хаһаайыстыбабыт аата, бас билиитэ хаста да уларыйан, араас уустук кэми аһардан кэллибит. От-бурдук баар, сүөһүбүт боруодата үчүгэй уонна хотоммут үлэлииргэ-хамсыырга тупсаҕай, толору хааччыллыылаах буолан, былааммытын мэлдьи толоробут. Үүтү ыаһыҥҥа сылга үс тыһыынчалаах кирбииттэн түспэппит. 2023 сыллаахха бэйэм да бэркэ соһуйуом иннигэр, «Үлэ киһитэ» куонкурус лауреата буолбутум, быйыл кыһын эмиэ  соһуччу  баҕайытык хаһан да үктэнэ илик сирбэр, Москубаҕа баран кэллим, «Үлэ албан аата» мэтээлинэн бэлиэтэнним. Түгэнинэн туһанан, боростуой үлэ дьонун ити курдук сыаналыылларын, мэлдьи көмөлөһө сылдьалларын иһин, тэрилтэм  салалтатыгар, улууһум дьаһалтатыгар итиэннэ биллэн турар,  Тыа хаһаайыстыбатын уонна ас-үөл бэлиитикэтин министиэристибэтигэр махтанабын! диир Марина Семеновна. 

к_-_6.jpg

Хаартыскаларга ааптар уонна Анна Стручкова (ТХАҮөБМ) түһэриилэрэ.  

  • 1
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
Уопсастыба

Ийэни-аҕаны солбуйан 

Мин бүгүн Өлөөн улууһун биир бэлиэ киһитэ, сэттэ тулаайах оҕону көрөн-истэн ииппит…
14.02.25 11:30
Түһүлгэ

Тыл... төрөөбүт төрүт тыл

Суоҕу да баар гынар, баары да мэлитэр аптаах алыптаах сахам тыла! Тыл барахсан арбыыр,…
14.02.25 09:34
Түһүлгэ

Дорҕооннор доҕордоһуулара

Былыыр былыр сурук – бичик сайда илигинэ Ылдьаа уолчаан саадьаҕай оҕуһун туора миинэн,…
14.02.25 09:32