Сиэрбис судаарыстыба өҥөтүн платформатыгар киириэҕиттэн 1,7 мөл. тахса Арассыыйа олохтооҕо кирэдьиити уонна сойуому ыларга бэйэни бобуунан туһаммыт.
Бэйэни бобуу кыраасданнар наадата суох сойуомтан бэйэлэрин харыстаналларыгар кыаҕы биэрэр. Маннык өҥөҕө сайабылыанньа биэриллибитин кэннэ кирэдьиит устуоруйатыгар бааннары уонна микрофинансовай тэрилтэлэри кирэдьиити биэрэри аккаастыырга эбээһинэстиир анал бэлиэ тахсар. Бэйэни бобууну госуслуга сиэрбиһин нөҥүө хаһан баҕарар уһулуохха сөп.
«Түөкүннээһин таһыма үрдүүр кэмигэр тус дааннайдары уонна үбү-харчыны көмүскээһин олус тоҕоостоох. Бэйэни бобууну туруорааһын түөкүннэртэн эрэ харыстаныы буолбакка, кирэдьиити ыларга толкуйдаах сыһыаны үөскэтэргэ көдьүүстээх», - диэн бэлиэтээтэ Анатолий Семенов.
Хаартыска СӨ Ил Дарханын уонна Бырабыыталыстыбатын пресс-сулууспатын саайтыттан ылынылынна.
-
0
-
0
-
0
-
0
-
0
-
0
