Маннык соругу СӨ Ил Дархана Айсен Николаев Судаарыстыбаннай мунньахха (Ил Түмэн) туһаайыытыгар туруорбута. «Мэдиссиинэ көмөлөһөөччүтэ» бырайыак Арассыыйа Бэрэсидьиэнин Владимир Путин көҕүлээһининэн, «Дьиэ кэргэн» национальнай бырайыак чэрчитинэн олоххо киллэриллэр.
Сиэрбиһи аан бастаан ааспыт сыл бүтүүтэ үлэҕэ киллэрбиттэрэ. Бырагыраама бырааска уочаракка суруйар, медосмотрга көрдөрүү уонна мэдиссиинэ хаттаан туоһулааһынын болдьоҕун биллэрэр. Тохсунньу 1 күнүттэн быраастарга 1424 оҕо суруттарда, оператордар 1906 иһитиннэриини ыыттылар.
Бырайыагы олоххо киллэриигэ мэдиссиинэ тэрилтэлэрэ уонна өрөспүүбүлүкэ доруобуйа харыстабылын биир кэлим call-киинэ үлэлииллэр. Сиэрбис балыыһаларга көрдөрөр дьон кэлиитин бэрээдэктиир, көрдөрүү бириэмэтин кылгатар, былааннаммыт көрүү суотугар балыыһаҕа күргүөмүнэн кэлии ахсаанын аҕыйатар.
Хаартыска: giga.chat
-
0
-
0
-
0
-
0
-
0
-
0
