Финалга биһиги уолаттарбыт утарсааччыларыгар биир да хаартыны биэрбэккэ, 3:0 ахсаанынан Кытай JiJieHao со хамаандатын хоттулар.
«Бу көннөрү кыайыы буолбатах. Бу өр сыллаах үлэ, систиэмэлээх дьарык уонна ыра санааҕа дьиҥнээхтик итэҕэйии түмүгэр ситиһиллибит үрдүк наҕараада. HOTU хамаанда оонньуу үрдүк таһымын, дириҥ стратегиялаах толкуйу уонна хамаанданан түмсүү бастыҥын көрдөрөн эрэллээхтик квалификацияны сапта», - диэн бэлиэтээтэ Ил Дархан.
Ыам ыйыгар хамаанда Казахстааҥҥа, суон сураҕырбыт Астана «Барыс Аренатыгар» Саха Сирин уонна Арассыыйа чиэһин көмүскүө.
Турнирга аан дойду 16 бастыҥ хамаандалара күөн көрсүөхтэрэ. Быйыл CS2 турнир устуоруйатыгар саамай элбэх суумалаах бириис туруо, о.э. 1 мөл. 250 тыһ. дуоллары кыайыылаах ылыаҕа.
«Бу саха киберуспуордун устуоруйатыгар саҥа саҕаҕы арыйыы буолар. Саха Сирэ киэн туттар! Саҥа үрдэллэргэ иннигит хоту!» - диэтэ Айсен Николаев.
Хаартыска: t.me/aisen_nikolaev
-
0
-
0
-
0
-
0
-
0
-
0
