Сокуон барыла «Сиэрдээх Арассыыйа – Кырдьык иһин» бэлитиичэскэй баартыйа салайааччыта Сергей Миронов уонна Госдуума вице-спикерэ Александр Бабаков көҕүлээһиннэринэн оҥоһуллубут. Арассыыйа Федерациятын кыраасдааннарыгар: эмчиттэргэ, фармацевтарга, педагогтарга, билим уонна култуура үлэһиттэригэр сыллата бэриллэр төлөбүрү көрөр туһунан этиллибит. ТАСС чопчулаабытынан, ол төлөбүр физическэй сирэйдэр ааспыт сылга төлөөбүт дохуоттарын нолуогун уонна ол дохуоттан 6 %-наах ыстаапканан ааҕыллыбыт нолуок сууматын араастаһыытынан ааҕыллан бэриллиэхтээх.
Сокуон барылын быһыытынан, төлөбүрү РФ Биэнсийэҕэ уонна социальнай страховкаҕа пуондатын территориятааҕы уоргана бүддьүөттэр икки ардыларынааҕы трансферт суотугар, федеральнай бүддьүөттэн аныыр итиэннэ биэрэр. Ол бэрээдэгин Арассыыйа Федерациятын Бырабыыталыстыбата олохтуур.
Барылга суруллубутунан, төлөбүрү ыларга бэс ыйын 1 күнүттэн алтынньы 1 күнүгэр диэри сайабылыанньа түһэрэр ирдэнэр. Биэнсийэ уонна социальнай страховка пуондатын территориялардааҕы уорганнара сайабылыанньалаах дьон биэрбит сибидиэнньэлэрин бэрэбиэркэлиир бырааптаахтар. Сергей Миронов этэринэн, көҕүлээһин исписэлиистэр тиийбэт эйгэлэригэр (мэдиссиинэҕэ, фармацевтикаҕа, үөрэхтээһиҥҥэ, билимҥэ, култуураҕа) эдэр дьону тардарга анаан оҥоһуллубут.
-
1
-
0
-
0
-
0
-
0
-
0
