Бу үлэ сүөһү барыта учуокка ылыллан, ханна барара-кэлэрэ, туох сэрэтэр быһыылары ылбыта, хаһан уонна тугунан ыалдьыбыта, хайдах эмтэммитэ дьэҥкэ буоларын туһугар ыытыллар. Холобурун ыллахха, куһаҕан санаалаах дьон уорбут сүөһүлэрин «Хорриот» нүөмэринэн булан аах оҥоһуллар, оттон идэһэҕэ туттуллубут биитэр ыалдьан уо.д.а. өлбүт сүөһү учуоттан таһаарыллан иһэр.
Бэтэринээрийэ управлениета иһитиннэрбитинэн, ыам ыйын 15 күнүнээҕи туругунан, өрөспүүбүлүкэ үрдүнэн 162 044 ынах сүөһү, 97 610 сылгы, 48 028 таба, 1 530 сибиинньэ, 814 коза, бараан «Хорриотка» хабыллыбыт. Үлэ хаамыыта чуолаан хотугу улуустарга бытаарбыт: Булуҥ улууһугар 11 ынах сүөһү баарыттан биэһэ эрэ учуоттаммыт, Уус Маайа улууһугар 945 сүөһүттэн 473 сүөһү, Дьааҥы улууһугар 2758 сүөһүттэн 1851 сүөһү маркировкаламмыттар. Оттон сылгыны учуоттааһын үлэтэ хотугу уонна бырамыысаланнай улуустарга ситэтэ суох эбит, ону таһынан, Сунтаар, Өлүөхүмэ, Нам, Уус Алдан уонна Чурапчы курдук элбэх сыспай сиэллээҕи иитэр бөдөҥ улуустарга тоҕо эрэ сыылбатыйбыт.
Хаартыска: эрэдээксийэ архыыбыттан.
-
0
-
0
-
0
-
0
-
0
-
0
