Тыа хаһаайыстыбатын уонна ас-үөл бэлиитикэтин министиэристибэтэ иһитиннэрэринэн, сүөһү-сылгы ахсаанын энчирэппэккэ иитиигэ, тыа хаһаайыстыбатын бородууксуйатын, аһы-үөлү оҥорон таһаарыы кээмэйин улаатыннарыыга улуустары кытары сөбүлэсиһиилэр түһэрсиллибиттэр. Кэнники сэттэ сыл устатыгар муниципальнай улуустарга уонна куораттааҕы уокуруктарга салааны сайыннарыыга көрүллэр өйөбүл кээмэйэ 4 млрд солк харчыттан 8,8 млрд. солк. харчыга диэри улааппыт.
Быйыл өрөспүүбүлүкэ үрдүнэн 63,3 тыһ. туонна аһылык бородууксуйата, ол иһигэр 2,9 тыһыынча туонна эт уонна эт ас, 8,3 туонна халбаһы, 4 тыһыынча туонна фабрикат аҥардаах эт ас, 3 тыһыынча туонна үрүҥ ас, 1,2 тыһыынча туонна чөчөгөй, 1,6 тыһыынча туонна арыы, 142 туонна сыыр, 646 туонна иэдьэгэй, 4,5 тыһыынча туонна аһытыллыбыт үүт аһылык оҥоһуллуохтаах.
Ааспыт 2024 сыл түмүгүнэн, хааччыллыы таһыма эккэ 26 %, үүккэ 54 %, хортуоппуйга 61 %, сымыыкка 66 %, оҕуруот аһыгар 38 % буолбута. Бу туһунан Ил Дархан уонна Бырабыыталыстыба пресс-сулууспата иһитиннэрэр.
Хаартыска: эрэдээксийэ архыыбыттан
-
0
-
0
-
0
-
0
-
0
-
0
