Ыһыах сахаларга былыр-былыргыттан сүүмэх тураҥ, кэтит кэһии, уйгу-быйаҥ, туску-күскэм бэлиэтэ, киһи айылҕалыын алтыһыытын туоһута буолар. Бу той Олоҥхо дойдутун төрүт үгэһин, баай устуоруйатын, ураты култууратын харыстыыр, элбэх омуктаах өрөспүүбүлүкэбит бар дьонун түмэр, саҥаттан саҥа ситиһиигэ угуйар чаҕылхай холобурунан буолар.
Быйыл Туймаада Ыһыаҕа Аҕа дойду Улуу сэриитигэр Кыайыы 80 сылыгар, ону тэҥэ Арассыыйа Федерациятыгар Аҕа дойдуну көмүскээччи уонна Саха сиригэр Төрөөбүт дойдуну көмүскээччи сылыгар ананна. Аҕа дойдубут көҥүлүн, тутулуга суох буолуутун көмүскэспит, аан дойдуга чиҥ санааны, туохха да тэҥнэммэт хорсун быһыыны көрдөрбүт дьоммут сырдык кэриэстэригэр сүгүрүйэбит. Кинилэр модун эр санаалаах, дойдуларыгар бэриниилээх буоланнар, биһиги бүгүн култуурабыт ураты нэһилиэстибэбитин харыстыыр, кэлэр көлүөнэлэргэ тиэрдэр кыахтаахпыт. Хорсун-хоодуот өбүгэлэрбит холобурдара төрөөбүт Сахабыт сирин уонна улуу Арассыыйабыт туһатыгар айымньылаах үлэҕэ угуйдун!
Күндү Саха Өрөспүүбүлүкэтин олохтоохторо уонна ыалдьыттара, Ыһыах биһиги сүрэхпитин үөрүүнэн, олоххо тапталынан толордун. Мин эһиэхэ баҕарабын чэгиэн-чэбдик туругу. Эйэ дэм сылаас тыына дьиэҕитин илгийдин, тус олоххутугар дьол-соргу тосхойдун.
Үрүҥ Тунах Ыһыаҕынан! Уруй-Айхал!
Алексей Еремеев, Саха Өрөспүүбүлүкэтин Ил Түмэнин Бэрэссэдээтэлэ
-
0
-
0
-
0
-
0
-
0
-
0
