Манан сибээстээн, идэтийбит этээччилэргэ күрэх дьүүллүүр сүбэтин чилиэнэ, Бордоҥ орто оскуолатын дириэктэрин иитэр үлэҕэ солбуйааччы Любовь Петрова күрэх хайдах ыытылла турарын маннык кэпсээтэ:
-- Күрэх үс түһүлгэнэн барда. Оҕолорго, саҥа этээччилэргэ уонна идэтийбит этээччилэргэ. Холобура, идэтийбит этээччилэргэ, итиэннэ саҥа этээччилэргэ 18-тыы киһи суруттарда. Маны таһынан, ккис күҥҥэ 16 дархан этээччи оһуокайы таһаарда. Дьокуускай, Ньурба куораттарыттан, Үөһээ Бүлүүттэн уонна бэйэбит улууспут этээччилэрэ күөн көрүстүлэр. Оскуола оҕолоругар 36 этээччи көҥүл тиэмэҕэ оһуокайы эттилэр. Үксэ Сунтаар уонна Ньурба улууһун оҕолоро кытыннылар.
12-14 саастаах оҕолорго Самир Герасимов, 14-17 саастаахтарга Василисса Фокинова бастакы миэстэни ылан, 15 тыһыынчалаах сэртипикээтинэн бириэмийэлэннилэр.
Улахан дьон күрэҕин түмүктүүр түһүмэҕэр сэттэ этээччи талыллан, анал тиэмэнэн сэттэ мүнүүтэ устата оһуокай эттилэр. Дьахталларга Александра Яковлева, эр дьоҥҥо Дмитрий Кондратьев кыайаннар, 350 тыһ. сууммалаах сэртипикээтинэн наҕараадаланнылар.
Марта Николаева
-
2
-
1
-
0
-
0
-
1
-
0
