Бу иһиттэн мобильнай биригээдэлэр 33 489 туоннаны оттообуттар. Биирдиилээн улуустарынан ылан көрдөххө, саамай улахан (44 369 туонна) былааннаах Мэҥэ Хаҥалас улууһа 44 852 туоннаны оттообут. Бу курдук сорудахтарын куоһарбыттар: Амма улууһа 33 941 (30 650), Уус Алдан улууһа 31 288 (31 000), Ньурба улууһа 29 698 (29 683), Нам улууһа 27 772 (27 533), Үөһээ Бүлүү улууһа 24 385 (24 343), Өлүөхүмэ улууһа 16 295 (14 290), Жатай 450 (350). Оттон Чурапчы улууһа 39 007 туонна, Бүлүү улууһа 27 788 туонна, Кэбээйи улууһа 9 982 туоннаны чөкөппүттэр.
Хотугу улуустар былааннарын толорботохтор: Дьааҥы улууһа 5 967 (былаан 8 788), Орто Халыма улууһа 4 352 (5 000), Эбээн Бытантай улууһа 703 (2 501), Муома улууһа 421 (1 141) туоннаны хааччыммыттар. Халаантан эмсэҕэлээбит Өймөкөөн улууһа 1 905 туонна оттоох, онно эбии наада 1 100 туонна от уу суолун баттаһа киин улуустартан тиэйиллэ сылдьар.
Маны таһынан, 27 405 туонна сиилэс угулунна (113 %), 13 684 туонна сенаж (102 %) оҥоһулунна.
Былаан 109 % толорулунна!
Бурдук хомуура балаҕан ыйын бастакы күннэриттэн саҕаланан түмүктэннэ. Балаҕан ыйын 29 күнүнээҕи чахчынан, 9 571 гектардаах бааһына үүнүүтэ быһыллан, баалабайынан 13 323 туонна бурдук хомулунна. Бу – былаан 109 %-а итиэннэ ааспыт сыллаах көрдөрүүнү 37 % куоһарар. Хас гектар ахсыттан ортотунан 13,9 сэнтиниэр үүнүү ылылынна!
Хортуоппуй уонна оҕуруот аһа
Күн бүгүҥҥү туругунан, бас билии көрүҥүттэн тутулуга суох барыта 6 281 гектар бааһына (98 %) хортуоппуйа хостонно. Баалабайынан 68 341 туонна хортуоппуй, ол эбэтэр хас гектар ахсыттан ортотунан 108 сэнтиниэр үүнүү кэллэ.
Оҕуруот аһа 1 215 гектар бааһынаттан (92 %) быһылынна. Баалабайынан 24 695 туонна, ол иһигэр 16 202 туонна аһаҕас буорга олордуллар оҕуруот аһын арааһа, 8 493 туонна тэпилиисэҕэ үүнэр оҕуруот аһын эгэрлэгэ хомулунна. Былырыын 25 903 туонна этэ. Хас гектар ахсыттан ортотунан 133 сэнтиниэр үүнүү ылылынна!
Тыа сирин үлэһит дьоно барахсаттар Сир ийэ уунан биэрбит быйаҥын сыа-сым курдук тутан хомуйдулар, харайдылар. Сайыны быһа үлэлээбит-хамсаабыт сыраларын тилиннэрдилэр.
Хаартыска: эрэдээксийэ архыыбыттан.
-
0
-
0
-
0
-
0
-
0
-
0
